Вазири корҳои дохилии Тоҷикистон ба Китобхонаи миллӣ беш аз 1000 адад китоб тақдим намуд
ДУШАНБЕ, 23.05.2018./АМИТ «Ховар»/. Вазири корҳои дохилии Ҷумҳурии Тоҷикистон генерал-полковники милитсия Рамазон Раҳимзода дар арафаи Рӯзи ҷавонони Тоҷикистон дар Китобхонаи миллии Тоҷикистон бо гурӯҳи ҷавонони «Авангард», курсантони Академияи ВКД ҶТ ва ҷавонони фаъоли кишвар вохӯрӣ доир намуд. Дар ин бора ба АМИТ «Ховар» аз ВКД ҶТ хабар доданд.
Мулоқоти мазкур дар партави суханронии Пешвои миллат дар мулоқот бо намояндагони ҷомеаи кишвар ба муносибати фарорасии моҳи шарифи Рамазон, ки рӯзи 12 майи соли 2018 дар шаҳри Душанбе баргузор гардид, гузаронида шуд.
Сараввал директори Китобхонаи миллӣ, профессор Абдусалом Мирализода ҳозиринро бо бинои нави Китобхонаи миллӣ, имконияту зарфиятҳо, теъдоди китобҳо, толорҳои хониш ва толорҳои конфронсу маҷлисҳо шинос кард.
Дар мулоқот Рамазон Раҳимзода аз гаравиши ҷавонон ба ҳизбу созмонҳои гуногуни ифротӣ, паҳн шудани нашъамандиву бемориҳои гуногуни сироятӣ, роҳҳои гумроҳ гардидани ҷавонон аз тариқи шабакаҳои иҷтимоӣ изҳори нигаронӣ намуда, иброз дошт, ки ҷавонону наврасони мо, ки ояндаи Тоҷикистон ҳастанд, бояд саломатии худро эҳтиёт намоянд, ҳушёрию зиракии сиёсиро аз даст надода, дар пайи омӯзиши илму дониш ва касбу ҳунар бошанд. Вай гуфт, ки ҷомеаи кишвар ба шахсони босаводу донишманд ниёз дорад.
Вазири корҳои дохилии Тоҷикистон як сабаби гаравидани ҷавонон ба созмонҳои ифротиро ноогоҳии онҳо, надоштани донишу ҷаҳонбини комил донист. Вай гуфт, ки агар ҷавонон соҳиби фазлу дошиш бошанд, ба хубӣ пай мебаранд, ки ҷойю мақоми онҳо на дар сафи ифротиҳо, балки дар ҷабҳаи ободию созандагии Ватани азизамон аст.
Дар идомаи мулоқот Вазири корҳои дохилӣ доир ба паҳлӯҳои гуногуни суханронии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ибрози андеша намуда, муҳтавои онро ба ҷавонон шарҳу эзоҳ дод. Зикр гардид, ки суханронии Пешвои миллат дар вохӯрӣ бо фаъолони ҷомеа барои ҳар як шаҳрванди ин сарзамин дастуру роҳнамо барои ояндаи неку босаодат аст.
Дар фарҷом Рамазон Раҳимзода аз осорхонаи ва толори намоиши адабиётҳои Китобхонаи миллӣ дидан намуд ва ба махзани ин боргоҳи бузурги илму маърифат зиёда аз 1000 адад китобҳои илмӣ, бадеӣ, таълимӣ ва методӣ тақдим намуд.
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
