Вазирони нақлиёти кишварҳои СҲИ дар маросими ифтитоҳи бандари баҳрии Туркменбошӣ иштирок менамоянд
ДУШАНБЕ, 02.05.2018/АМИТ «Ховар»/. Пагоҳ, 3 май дар шаҳри Туркменбошии Туркманистон вохӯрии вазирони нақлиёти кишварҳои Созмони Ҳамкории Иқтисодӣ /СҲИ — ЭКО/ баргузор мегардад, ки дар он Ҷумҳурии Тоҷикистонро вазири нақлиёт Худоёр Худоёрзода намояндагӣ мекунад.
Тавре ба АМИТ «Ховар» сардори Раёсати робитаҳои байналмилалии Вазорати нақлиёти ҷумҳурӣ Фарида Ёқубзода иттилоъ дод, дар машварати вазирони нақлиёти кишварҳои СҲИ масъалаҳои марбут ба таҳкими ҳамкории нақлиётии кишварҳои узви ин Созмон, бахусус ҳамкорӣ дар бахши нақлиёти автомобилӣ ва роҳи оҳан, инчунин масъалаҳои марбут ба рушди долонҳои байналмилалии нақлиётӣ матраҳ мегарданд.
Интизор меравад, ки вазирони нақлиёти кишварҳои СҲИ ҳамзамон дар маросими ифтитоҳи бандари баҳрии байналмилалии Туркменбошӣ дар баҳри Хазар ва дар ҳамоиши байналмилалии «Шоҳроҳи бузурги Абрешим — марзҳои нави рушд», ки дар минтақаи миллии сайёҳии «Овоза» доир мегардад, ширкат намоянд.
Гуфта мешавад, ки дар ҳамоиши байналмилалӣ маҷмӯи масъалаҳои марбут ба тавсеаи ҳамкории мутақобилан судманди кишварҳои ҷаҳон, аз ҷумла давлатҳои аъзои СҲИ дар бахши нақлиёт ва логистика тавассути истифодаи самараноки иқтидори бандарҳо, эҳёи ҳамкории сайёҳӣ, ҳавасмандгардонии фаъолияти сармоягузорӣ ва соири масоили марбут ба рушди инфрасохтори нақлиётӣ баррасӣ мегарданд. Дар доираи баргузории ҳамоиши байналмилалӣ ҳамзамон намоишгоҳ вобаста ба мавзӯъ ва муҳтавои ҳамоиш дар назар дошта шудааст.
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд
НИШАСТИ МАТБУОТӢ. Солҳои охир таваҷҷуҳи ҷавонон ба соҳаи геология меафзояд
Пагоҳ Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Санъат Раҳим: «Дар Вилояти Мухтори Кӯҳистони Бадахшон ва Хатлон ягон ҳодисаи нохуш ба қайд гирифта нашудааст»
Имрӯз дар Тоҷикистон ҳавои тағйирёбандаи бебориш пешгӯӣ мешавад
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
