Бо «Сомон Эйр» ва ФФТ- ба Чемпионати ҷаҳон оид ба футбол!
ДУШАНБЕ, 12.06.2018/АМИТ «Ховар»/. Ширкати ҳавопаймоии «Сомон Эйр» дар ҳамдастӣ бо Федератсияи футболи Тоҷикистон бахшида ба Чемпионати ҷаҳон оид ба футбол- 2018, ки аз 14 июн то 15 июл дар шаҳрҳои Федератсияи Россия баргузор мегардад, иқдоми нав роҳандозӣ менамояд.
Дар робита ба ин, «Сомон Эйр» ва Федератсияи футболи Тоҷикистон барои ҳаводорони футбол, ки дар бозиҳои Москва, Санкт-Петербург, Қазон ва Сочи азми иштирок кардан доранд, пешниҳоди махсус омода намуданд, ки фарогири чиптаи парвоз ва чиптаи бозӣ мебошад. Дар ин хусус ба АМИТ «Ховар» сухангӯи ширкати ҳавонавардии «Сомон Эйр» Темур Бандишоев иттилоъ дод.
Бинобар иттилои манбаъ, Федератсияи футболи Тоҷикистон ва ширкати ҳавопаймоии «Сомон Эйр» ба ду нафар мусофир, ки аввалин шуда, ба хатсайри Душанбе — Санкт-Петербург барои рӯзи 14 июн аз хазинаи чиптафурӯшии ширкат, воқеъ дар шаҳри Душанбе, к. Мастонгулов, 40 чиптаи бизнес-класс мехаранд, ду чиптаи бозии дастаҳои Россия-Мисрро, ки 19 июн дар шаҳри Санкт-Петербург баргузор мегардад, тақдим менамоянд.
Бояд тазаккур дод, ки ширкати ҳавопаймоии «Сомон Эйр» соли дуюм аст, ки бо Федератсияи футболи Тоҷикистон ҳамкорӣ ба роҳ мондааст. Ёддошти ҳусни тафоҳум оид ба ҳамкорӣ барои соли 2018 моҳи феврали соли равон ба тасвиб расид.
Аз рӯзҳои аввали фаъолияти худ ширкати ҳавопаймоии «Сомон Эйр» ташкилотҳои гуногуни варзишии ҷумҳуриро дастгирӣ намуда, дар баргузории чорабиниҳои варзишии сатҳи маҳаллӣ ва байналмилалӣ ба ҳайси шарики лоиҳа иштирок намудааст.
Ширкати ҳавопаймоӣ саъй менамояд, ки дар доираи сиёсати пешгирифтаи Ҳукумати Ҷумҳурии Тоҷикистон ва супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рушди варзиши ватанӣ саҳми босазо гузорад.
«Сомон Эйр, ки аз моҳи сентябри соли 2017 узви комилҳуқуқи Ассотсиатсияи байналмилалии нақлиёти ҳавоӣ (ИАТА) мебошад, парвозҳоро аз Тоҷикистон ба Германия, Амороти Муттаҳидаи Араб, Чин, Туркия, Россия ва Қазоқистон муваффақона анҷом медиҳад. Парки ҳавопаймоии ширкат аз ҳавопаймоҳои Боинг 737 – 300, -800 ва -900 иборат мебошад.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
