Дар Душанбе рӯнамоии китоби «Боқинома» баргузор гардид
ДУШАНБЕ, 7.06.2018. /АМИТ «Ховар»/. Бахшида ба ёдбуди Шоири халқии Тоҷикистон устод Боқӣ Раҳимзода имрӯз дар шаҳри Душанбе маҳфили илму адаб ва рӯнамоии китоби «Боқинома» баргузор гардид.
Тавре хабарнигори АМИТ «Ховар» хабар медиҳад, дар маҳфили мазкур адибон, ҳунармандон, дӯстдорони каломи бадеъ ва наздикону пайвандони Шоири халқии Тоҷикистон Боқӣ Раҳимзода иштирок намуда, доир ба ҳаёту фаъолияти шоир сухан гуфтанд.
Зимни маҳфил раиси Иттифоқи нависандагони Точикистон Низом Қосим иброз дошт, ки дар китоби «Боқинома» аз оғоз то ба анҷом намояндагони илму адаб доир ба ҳаёти фарзанди фарзона Боқӣ Раҳимзода хотироти хешро баён намудаанд.
Аз ҷумла, дар китоби мазкур сухани Мирзо Турсунзода оварда шудааст, ки мегӯяд: «Боқӣ Раҳимзода яке аз шоироне мебошад, ки беҳтарин анъанаҳои назми ҳазорсолаи тоҷикро давом дода, онро ба рӯҳи муосирони мо мутобиқ мегардонад».
Ҳамчунин китоби «Боқинома» хотироти зиёди аҳли қаламро дар бораи зиндаёд Боқӣ Раҳимзода дар бар мегирад. Дар он, аз ҷумла, хотироти Ҷалол Икромӣ, Раҳим Ҳошим, Абдулаҳад Қаҳҳоров, Гулчеҳра Сулаймонӣ, Абдулҳамид Самад, Атахон Сайфуллоев, Аскар Ҳаким, Ҳақназар Ғоиб, Носирҷон Маъсумӣ, Сайидалӣ Маъмур, Хуршеда Отахонова, Масъуд Муллоҷонов, Сотим Улуғзода, Лоиқ Шералӣ, Гулрухсор, Рустами Ваҳҳоб, Маҷид Салим ва Боқӣ Раҳимзода дарҷ гардидаанд.
Дар «Боқинома» ба ҷуз хотироти ҳамқаламону шогирдон ашъори ин шоири ширинкалом ва асари «Соқинома» низ ҷо дода шудаанд.
Мураттиби асар Фирӯзаи Абдуқодир, муҳаррир ва муаллифи сарсухан Меҳмон Бахтӣ буда, асар дар нашриёти «Адиб» чоп шудааст.
Дар фарҷоми маҳфил як зумра ҳунармандон аз осори пурғановати шоири зиндаёд суруд хонда, хотири ҳозиринро болида гардониданд.
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
