Дар вилояти Хатлон машқҳои тактикӣ-омӯзишӣ баргузор гардиданд
ДУШАНБЕ, 11.06.2018 /АМИТ «Ховар»/. Дирӯз дар минтақаи «Зағиртӣ»-и шаҳри Леваканд таҳти роҳбарии сардори Раёсати Вазорати корҳои дохилӣ дар вилояти Хатлон Искандар Солеҳзода бо ҷалби ҳайати шахсии гурӯҳҳои зудамали шуъбаи ВКД дар шаҳру ноҳияҳои Бохтар, дастгоҳи Раёсати ВКД дар вилояти Хатлон, қисми ҳарбии 3503 ва Дастаи таъйиноти махсуси муҳофиза машғулиятҳои амалӣ ва машқҳои тактикӣ-омӯзишӣ доир гардиданд.
Тавре аз Вазорати корҳои дохилӣ ба мухбири АМИТ «Ховар» хабар доданд, мақсад аз гузаронидани машқҳо баланд бардоштани ҳолати омодабоши касбии ҳайати шахсӣ, такмилдиҳӣ ва омодабоши мақомоти корҳои дохилӣ ва Қӯшунҳои дохилии Ҷумҳурии Тоҷикистон, мубориза бар зидди терроризм ва дигар хатару таҳдидҳои замони муосир мебошад.
Барои дар сатҳи зарурӣ гузаронидани машқҳо дар нуқтаи таълимӣ шароити техникӣ ва дигар лавозимоти ҳарбӣ ташкил карда шуда, ҳайати шахсӣ ба омӯзиш ва корҳои фаҳмондадиҳӣ фаро гирифта шуда, машқҳои тактикӣ доир гардиданд.
Зимни натиҷагирии машқҳо сардори Раёсати ВКД дар вилояти Хатлон Искандар Солеҳзода дар назди ҳайати шахсӣ доир ба таваҷҷуҳи доимии роҳбарияти олии кишвар баҳри таъмини амнияти давлату миллат, ҳадафу моҳияти баргузории машқҳо ва пешгирӣ аз хатарҳои ҷаҳони муосир ибрози андеша кард.
Ба иттилои манбаъ, дар хотима ба иштирокчиёни фаъоли машқҳои тактикӣ-омӯзишӣ «Ифтихорнома»-ҳо тақдим карда шуданд.
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
