ГАР ШИНОВАР НЕСТӢ, ПО БАР ЛАБИ ДАРЁ НАМОН! Надонистани қоидаҳои оббозӣ ва бетаваҷҷуҳии волидон сабаби ғарқшавии 5 нафар гардид
ДУШАНБЕ, 18.06.2018 /АМИТ «Ховар»/. Новобаста аз огоҳӣ ва ҳушдорҳои батакрори Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар як шабонарӯзи охир ба дастгоҳи Кумитаи мазкур дар хусуси ғарқ шудани 5 нафар маълумот ворид шудааст, ки 3 нафари онҳо кӯдакон буда, калонтарини онҳо 15-сола мебошад.
Дар ин бора ба АМИТ «Ховар» сухангӯи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Умеда Юсуфӣ иттилоъ дода, илова намуд, ки панҷ нафар дар дарёҳои Сир, Кофарниҳон, Вахш ва Панҷ ғарқ шудаанд.
«Оббозӣ дар ҷойҳои барои шиноварӣ номусоид, надонистани шиноварӣ ва бетаваҷҷуҳии волидон аз сабабҳои аслии ғарқшавии кӯдакон дар дарёҳо ҳисобида мешавад. Аслан оббозӣ дар ин дарёҳо хатарнок буда, шиноварӣ дар онҳо тавсия дода намешавад. Танҳо маконҳои муайяне ҳастанд, ки онҷо оббозӣ кардан мумкин аст. Лекин баъзе аз сокинон ҳушдору огоҳиҳои кормандони Кумитаи ҳолатҳои фавқулода ва мудофиаи гражданиро нодида мегиранд, ки боиси ғарқшавии онҳо мегардад. Панҷ нафаре, ки шабонарӯзи гузашта ғарқ шуданд, дар маконҳое оббозӣ доштанд, ки барои шиноварӣ мусоид набуданд»,-бо ташвиш изҳор медорад Умеда Юсуфӣ.
Гуфта мешавад, ки кормандони Кумитаи мазкур ҷасади панҷ нафари ғарқшударо пайдо намуда, ба мақомоти дахлдор супоридаанд.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бори дигар аз сокинону меҳмонони ҷумҳурӣ эҳтиромона хоҳиш мекунад, ки ҳангоми оббозӣ қоидаҳои бехатариро риоя намоянд ва дар ҷойҳои муайяншуда ба шиноварӣ машғул шаванд.
Ҳамчунин волидонро огоҳ менамояд, ки фарзандони худро дар лаби дарёву кӯлҳо беназорат нагузоранд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
