МУТАХАССИСОНИ АРЗАНДА БЕ ҶОИ КОР НАМЕМОНАНД. Дар Донишкадаи политехникии Хуҷанд ярмаркаи ҷойҳои корӣ баргузор гардид
ХУҶАНД, 12.06.2018. /АМИТ «Ховар»/. Роҳбарияти Донишкадаи политехникии Донишгоҳи техникии Тоҷикистон ба номи академик М.С.Осимии шаҳри Хуҷанд таҳти унвони «Интихоби мутахассисони арзанда» барои бо ҷои кор таъмин намудани хатмкунандагони донишгоҳҳои олии мамлакат ярмаркаи дарёфти ҷои кор доир намуд.
Тавре ба хабарнигори АМИТ «Ховар» устоди донишкадаи мазкур Абдусабури Абдуваҳҳоб хабар дод, иқдоми мазкур соли сеюм аст, ки амалӣ мегардад. Мақсад аз ташкили он нишон додани натиҷаи фаъолияти Донишкада, робита бо корхонаву ташкилотҳо ва дар ин замина, таъмин намудани коргоҳҳои вилоят бо мутахассисони ҷавону соҳибкасб аз ҳисоби хатмкунандагони донишкада мебошад.
Дар ярмаркаи кории назди донишгоҳ 45 коргоҳу ширкатҳои миқёси вилоят бо пешниҳоди ҷойи кор ширкат намуда, тариқи видеороликҳо доир ба фаъолияту имконият ва афзалиятҳои кории худ маълумоти мухтасар пешниҳод намуданд. Дар интиҳои ярмарка зиёда аз 50 нафар хатмкунандагон тариқи суҳбат тавонистанд худро чун корманд ба намояндагии коргоҳҳои ширкаткунанда номнавис кунанд.
Бояд гуфт, ки соли гузашта донишкадаи мазкурро 918 нафар хатм карда, тибқи маълумоти оморӣ, зиёда аз 95 фоизи хатмкунандагон сохиби ҷойи кори доимӣ гардиданд. Аз ҷумла, тариқи ярмаркаи «Интихоби мутахассисони арзанда» то ин муддат зиёда аз 70 нафар хатмкунандагон соҳиби ҷойи кор гардидаанд.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
