Рамазон Раҳимзода: «Бояд зери парчами Ваҳдати миллӣ муттаҳид гардида, сӯи фардои дурахшон қадамҳои устувор гузорем»

Июнь 18, 2018 15:15

ДУШАНБЕ, 18.06.2018. /АМИТ «Ховар»/. Имрӯз дар  Академияи Вазорати корҳои дохилии Ҷумҳурии Тоҷикистон бо иштироки Вазири корҳои дохилӣ Рамазон Раҳимзода, роҳбарият ва ҳайати омӯзгорону шунавандагон, курсантони Академия ва волидони онҳо маросими дипломсупорӣ баргузор гардид.

Тавре аз Вазорати корҳои дохилӣ ба мухбири АМИТ «Ховар» хабар доданд, Вазири корҳои дохилӣ хатмкунандагон ва тамоми иштирокчиёнро бо Рӯзи Ваҳдати миллӣ самимона табрик намуда зикр намуд, ки «умедворем ҳамагон зери парчами Ваҳдати миллӣ муттаҳид гардида, барои шукуфоӣ, рушду тараққиёт, сабзу хуррам гардонидани сарзамини аҷдодӣ, таҳкими сулҳу субот ва пойдории давлату миллати куҳанбунёдамон камари ҳиммат баста, сӯи фардои дурахшон қадамҳои устувор мениҳем».

Вазири корҳои дохилӣ иброз дошт, ки Академияи Вазорати корҳои дохилӣ зодаи даврони Истиқлолият ва ваҳдати комили ҷомеаи Тоҷикистон буда, тавонистааст дар муддати начандон тӯлонии фаъолият ба дастовардҳои назаррас ноил гардад. «Мисоли равшани он шумо — хатмкунандагони муҳтарам мебошед, ки имрӯз ҳамчун мутахассисони баркамол барои таъмини амнияту суботи кишвар ва хизмат ба миллату давлати хеш саф кашидаед. Набояд фаромӯш кард, ки шурӯъ аз ин лаҳзаҳои идона ва хотирмон, давлату миллат дар назди шумо масъулияти бештареро аз ҷумлаи таъмини амнияту суботи комили ҷомеа ва мубориза бар зидди зуҳуроти номатлуби ҷаҳони муосир мегузорад. Албатта, бо боварии комил метавон гуфт, ки бо донишу маърифат ва ҷаҳонбии аз омӯзгорону роҳбарони хеш андӯхта аз уҳдаи чунин масъулият низ сарбаландона баромада метавонед», — гуфт Р. Раҳимзода.

Зикр шуд, ки роҳбарияти Ҳукумати кишвар, хусусан Президенти Ҷумҳурии Тоҷикистон муҳтарам Эмомалӣ Раҳмон ҷиҳати боз ҳам беҳтар намудани шароити илмомӯзии насли ҷавон кӯшиш ба харҷ медиҳанд. Ҳамин аст, ки дар як муддати кӯтоҳ бо ташаббуси бевоситаи Роҳбари давлат Академияи Вазорати корҳои дохилӣ соҳиби чунин бинои муҳташами таълимӣ гардид, ки назираш дар Осиёи Марказӣ нест.

 

 

Июнь 18, 2018 15:15

Хабарҳои дигари ин бахш

«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд

Маводҳои таҳлилӣ