Варзишгарони тоҷик дар Чемпионати Осиё оид ба каратэ – кёкушинкай иштирок менамоянд
![](https://khovar.tj/wp-content/uploads/2018/06/27a5468779db7e5a0f576a2538134c97-300x200.jpeg)
ДУШАНБЕ, 14.06.2018 /АМИТ «Ховар»/. Аз 13 то 17 июни соли 2018 дар шаҳри Алматои Ҷумҳурии Қазоқистон Чемпионати Осиё оид ба каратэ – кёкушинкай баргузор мегардад.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, дирӯз дастаи мунтахаби Тоҷикистон бо роҳбарии Аскарҷон Кароматов барои иштирок дар чемпионати Осиё озими Қазоқистон гардид. Дар ин мусобиқа Тоҷикистонро 9 нафар варзишгар муаррифӣ менамоянд.
Ба иттилои манбаъ, ҳайати варзишгарони тоҷик аз Алӣ ибн Муҳаммад, Умедҷони Тоҷиддин, Аюбҷон Амонов, Роланд Глоклер, Фарангис Ҳоҷизода, Ҳусейн Сайфиддинзода, Билол Ниёзов, Фирӯз Кароматов ва Сироҷиддин Кароматов иборат буда, онҳо дар вазнҳои 35, 40, 45, 55, 65, 70 қувваозмоӣ мекунанд.