370 ҳазор сайёҳ аз ҷойҳои таърихиву сайёҳии вилояти Суғд боздид намудаанд

Июль 20, 2018 11:10

ХУҶАНД, 20.07.2018. /АМИТ «Ховар»/. Дар шашмоҳаи аввали соли равон аз ҷумҳурӣ беш аз  520 ҳазор нафар сайёҳон боздид намудаанд.  370 ҳазор нафари онҳо аз табиати нотакрор ва ҷойҳои таърихии вилояти Суғд дидан карда, таассуроти баланд бардоштанд.  Дар вилоят баҳри фароҳам овардани шароити мусоид барои қабули сайёҳон, ҳамзамон шиносоӣ бо мавзеъҳои таърихӣ ва бостоншиносӣ фаъолияти 24 ширкати сайёҳӣ ба роҳ монда шудааст. Муҳайё намудани шароити мусоид имкон дод, ки дар вилоят сайёҳӣ рушд ёбад.

Ин нукта дирӯз зимни баргузории ҷаласаи сайёри Шӯрои ҷамъиятӣ, ки ба мавзӯи «Аҳамияти ташаббуси Раиси Шӯрои ҷамъиятӣ доир ба эълон гардидани соли 2018 – Соли рушди сайёҳӣ ва ҳунарҳои мардумӣ дар Ҷумҳурии Тоҷикистон ва омӯзиши таҷрибаи вилояти Суғд» бахшида шуда буд, зикр гашт.

Ҷаласаи сайёр дар Маркази таълимию истироҳатии Бонки миллии Тоҷикистон дар шаҳри Гулистон доир гардид. Ба иттилои хабарнигори минтақавии АМИТ «Ховар», дар ҷаласа аз ҷониби иштирокдорон таъкид гардид, ки Ҷумҳурии Тоҷикистон дорои  манзараҳои зиёди мафтункунандаи табиӣ, чашмаҳои шифобахшу кӯҳҳои осмонбус буда, дар ин замина яке аз минтақаҳое, ки дар ин самт имконият ва таҷрибаи бой дорад, вилояти Суғд мебошад.

Ин таҷриба бояд аз ҷониби дигар минтақаҳо низ омӯхта шуда, ҳамзамон ҳамоишҳои тарғиботӣ, чун фестивали «Марҳабо, ба Суғди бостон» ва Форуми байналмилалии сайёҳӣ ки дар шаҳри Исфара  доир гардид, дар дигар манотиқ баргузор карда шаванд.

Ҳамзамон дар самти   муаррифӣ ва шинохти фарҳангу асолати миллӣ ва баланд бардоштани нуфузу эътибори манзараҳои зебову мафтункунандаи мамлакат бо вусъат бахшидани корҳои ободониву созандагӣ, баланд бардоштани сифат ва маданияти хизматрасонӣ мутобиқ ба талаботи меъёрӣ низ бояд бештар заҳмат кашид.

Июль 20, 2018 11:10

Хабарҳои дигари ин бахш

Экспедитсияи сайёҳии «Саёҳат ба қалби Авруосиё-2025» аз Москва оғоз гардид
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
РУШДИ САЙЁҲӢ ДАР БАДАХШОН. Сабзазорҳои алпӣ, биёбонҳои баландкӯҳ, дарёҳои тезҷараён ва кӯлҳои мусаффои он назаррабо мебошанд
Ҳайати Тоҷикистон дар ҷаласаи 71-уми ҷаласаи Комиссияи Аврупоии Созмони умумиҷаҳонии сайёҳӣ иштирок намуд
Мавзеи сайёҳии «Арху» ба макони писандидаи сайёҳон табдил ёфтааст
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
Эла Ионеску, намоянда аз Руминия: «Шумо, одамони хушбахтед, ки чунин Ватани зебо доред»
СИЁМА. Оби ин дарё ба даҳгонаи обҳои беҳтарини ҷаҳон дохил гардидааст
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
Иштирокдорони Конфронси байналмилалии сатҳи баланд оид ба ҳифзи пиряхҳо мавзеъҳои таърихию фарҳангии Тоҷикистонро тамошо мекунанд
Барои сохтмони кампуси Донишкадаи байналмилалии Данғара лоиҳаи Бонки Исломии рушд амалӣ карда мешавад
Ҷаҳонгарди тоҷик Парчами Ҷумҳурии Тоҷикистонро дар нуқтаи баландтарини Антарктида парафшон намуд