Чин шумораи бурсияҳоро барои шаҳрвандони Тоҷикистон зиёд намуд
ДУШАНБЕ, 24.07.2018 /АМИТ «Ховар»/. Масъалаҳои рушди маориф 23 июл дар мулоқоти муовини Вазири маориф ва илми ҶТ Сайфиддин Хайриддин ва муовини раиси Котиботи бурсиявии Ҷумҳурии Мардумии Чин Петер Ванг Шенганг баррасӣ гардиданд.
Тавре ба АМИТ «Ховар» аз Вазорати маориф ва илми Ҷумҳурии Тоҷикистон хабар доданд, зимни мулоқот зикр гардид, ки айни ҳол дар Ҷумҳурии Мардумии Чин беш аз 3000 нафар донишҷӯёни тоҷик таҳсил менамоянд. Агар соли таҳсили 2017-2018 Ҷумҳурии Мардумии Чин барои донишҷӯёни тоҷик 300 бурсия ҷудо карда бошад, он гоҳ дар соли таҳсили 2018-2019 шумораи онҳоро ба 350 адад расонд. Ин раванд аз рушди ҳамкорӣ дар соҳаи маориф шаҳодат медиҳад.
«Дар назди Донишгоҳи миллии Тоҷикистон ва Донишкадаи кӯҳӣ-металлургии Тоҷикистон марказҳои илмӣ-фарҳангии Конфутсий фаъолият менамоянд, ки дар онҳо донишҷӯёни тоҷик ба омӯхтани забон, фарҳанг, расму оин ва анъанаҳои халқи Чин машғул мебошанд», — гуфт С. Хайриддин.
Ҷонибҳо таҳкими бештари ҳамкории дуҷонибаро ба хотири рушди илм ва маорифи ҳарду кишвар таъкид намуданд.
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
Имрӯз дар Тоҷикистон борони бошиддат меборад
Дар ноҳияи Роштқалъа корҳои биотехникӣ идома доранд
Дар Ҳисор муоинаи техникаҳои кишоварзӣ ва омодагии онҳо ба мавсими кишт гузаронида шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар шаҳри Душанбе ҳаво то 24 дараҷа гарм мешавад
Имрӯз дар Тоҷикистон ҳавои тағйирёбанда пешгӯӣ мешавад
Дар «Саноатсодиротбонк» чорабинии тантанавӣ ба ифтихори таҷлили Рӯзи Модар баргузор гардид
