Дар Бонки миллии Тоҷикистон масоили ҳамкории дуҷониба бо Бонки ҷаҳонӣ баррасӣ гардид
ДУШАНБЕ, 04.07.2018 /АМИТ «Ховар»/. Ҷараёни татбиқи лоиҳаи «Баланд бардоштани рақобатпазирии бахши хусусӣ» дирӯз зимни мулоқоти муовини якуми раиси Бонки миллии Тоҷикистон Ҷамолиддин Нуралиев бо ҳайати Бонки ҷаҳонӣ таҳти роҳбарии менеҷер оид ба лоиҳаҳои бахши хусусии Бонки ҷаҳонӣ Мариализа Мота, ки бо сафари корӣ дар Ҷумҳурии Тоҷикистон қарор дорад, баррасӣ гардид.
Тавре аз Бонки миллии Тоҷикистон хабар доданд, зимни мулоқот ҷонибҳо ҳамзамон масъалаҳои таҳким бахшидани ҳамкорӣ дар самти татбиқи лоиҳаҳо ва барномаҳои бахши молиявиро мавриди муҳокима қарор доданд.
Муовини якуми Раиси Бонки миллии Тоҷикистон Ҷамолиддин Нуралиев аз ҳамкории мутақобилан судманд бо Бонки ҷаҳонӣ изҳори қаноатмандӣ намуд. Мавсуф барои мусоидат дар татбиқи лоиҳаи «Баланд бардоштани рақобатпазирии бахши хусусӣ» (марҳилаи 4) ба намояндаи Бонки мазкур Мариализа Мота изҳори сипос карда, саҳми Бонки ҷаҳониро дар ин бахш баланд арзёбӣ кард.
Ҳамчунин дар мулоқоти мазкур муовини раиси БМТ Ҳамидулло Машрабзода оид ба корҳои анҷомдода дар татбиқи лоиҳаи «Баланд бардоштани рақобатпазирии бахши хусусӣ» ва «Беҳтар намудани инфрасохтори молиявӣ», аз ҷумла, раванди насби барнома, дастрас намудани таҷҳизоти техникӣ ва ғайра маълумот дод.
Зикр гардид, ки барои беҳтар кардани инфрасохтори иттилоотӣ инчунин таҷдиди низоми иттилоотии коммуникатсионӣ зарурат дорад ва дар доираи лоиҳаи мазкур мусоидати Бонки ҷаҳонӣ аз манфиат холӣ нест.
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
