Дар шаҳри Боку ҷаласаи Шӯрои вазирони корҳои дохилии ИДМ таҳти роҳбарии Рамазон Раҳимзода оғоз гардид
ДУШАНБЕ, 20.07.2018 /АМИТ «Ховар»/. Дар шаҳри Бокуи Ҷумҳурии Озарбойҷон ҷаласаи навбатии Шӯрои вазирони корҳои дохилии давлатҳо — иштирокчиёни аъзои ИДМ баргузор гардид.
Тавре ба мухбири АМИТ «Ховар» аз Вазорати корҳои дохилии Ҷумҳурии Тоҷикистон хабар доданд, ҷаласаи Шӯрои вазирони корҳои дохилии давлатҳо — иштирокчиёни аъзои Иттиҳоди Давлатҳои Мустақилро Раиси Шӯрои мазкур, Вазири корҳои дохилии Ҷумҳурии Тоҷикистон, генерал-полковники милитсия Рамазон Раҳимзода оғоз бахшида, изҳор дошт, ки «мубориза бо ҷинояту ҷинояткорӣ ва ҳама гуна зуҳуроти номатлуб аз ҳамкории мутақобилан судманди дуҷониба ва бисёрҷониба маншаъ гирифта, дар ин ҷода ҳамкории вазоратҳои корҳои дохилии ИДМ дар сатҳи баланд ба роҳ монда шудааст».
Дар ҷараёни ҷаласаи Шӯрои мазкур дурнамои ҳамкории афзалиятноки вазоратҳои корҳои дохилии ИДМ, амалӣ намудани барномаҳои байнидавлатии мубориза бар зидди ҷинояткорӣ, инчунин як қатор масъалаҳои мубрами ҳамкории вазоратҳои корҳои дохилии (политсияи) давлатҳо — иштирокчиёни аъзои Иттиҳоди Давлатҳои Мустақил мавриди баррасӣ қарор гирифтанд.
Дар ин радиф масъалаҳои мубодилаи иттилоот нисбат ба шахсоне, ки дар муноқишаҳои мусаллаҳона дар ҳудуди давлатҳои сеюм дар ҳайати гурӯҳҳои террористӣ иштирок доранд, такмили механизми амали мувофиқашудаи мақомоти корҳои дохилӣ (политсия) оид ба муқовимат бо намудҳои нави ҷинояткорӣ низ муҳокима гардида, дар ин замина таклифҳои мушаххас пешниҳод гардиданд.
Дар айни замон ҷаласаи Шӯрои вазирони корҳои дохилии давлатҳо — иштирокчиёни аъзои ИДМ дар шаҳри Бокуи Ҷумҳурии Озарбойҷон идома дошта, аз ҷараёни он иловатан иттилоъ хоҳем дод.
Имрӯз дар баъзе минтақаҳои Тоҷикистон чангу ғубор ба амал меояд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
Алоқа барои сохтмон: чӣ тавр имконоти мобилӣ дар бунёди иншоот дар саросари Тоҷикистон кумак менамояд?
Имрӯз дар водиҳои Тоҷикистон ҳаво то 21 дараҷа гарм мешавад
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Агентии суғуртаи иҷтимоӣ ва нафақа Рӯзи Парчами Тоҷикистонро ботантана ҷашн гирифтанд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
