Хонандагони мактаби рақами чоруми ноҳияи Ванҷ соли нави таҳсилро дар бинои нав истиқбол мегиранд

Июль 13, 2018 15:35

ХОРУҒ, 13.07.2018. /АМИТ «Ховар»/. Хонандагони муассисаи таҳсилоти миёнаи умумии рақами чоруми ноҳияи Ванҷ ҳангоми ба таътили тобистона рафтан бо бинои кӯҳнаи мактаби худ хайру хуш карданд. Зеро соли нави таҳсилро онҳо дар бинои нави сеошёна, ки барои 640 хонанда пешбинӣ шудааст, истиқбол мегиранд.

Бинои нави таълимгоҳ бо маблағгузории Дирексияи сохтмони иншооти ҳукуматии назди Дастгоҳи иҷроияи Президенти Ҷумҳурии Тоҷикистон бунёд карда мешавад.

Муҳандиси Ҷамияти масъулияташ маҳдуди «Ҷовид» Назаралӣ Хабиров гуфт, ки «хишти аввали ин бино соли 2016 дар ҳузури Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гузошта шуда,  пас аз як моҳ он мавриди баҳрабардорӣ қарор мегирад. Барои бунёди бино ва таъмини он бо воситаҳои муосири таълимӣ 15 миллион сомонӣ ҷудо карда шуд. Бинои нав аз 24 синфхона, 4 кабинети фаннӣ, ду озмоишгоҳ- яке барои фанни химия ва дигар аз фанни физика, китобхонаи электронӣ, маҷлисгоҳ, ошхона иборат аст».

Директори ин муассисаи таълимӣ Саломат Шарифов ба Ҳукумати ҷумҳурӣ барои бунёди чунин иншооти замонавӣ изҳори сипос намуда, гуфт, ки «дару девори долону толор бо нақшу нигори миллӣ чунон зебо оро ёфтаанд, ки сокинони ноҳия ҳатто аз деҳоти дурдаст омада, баъди тамошои ин ҳаккокиҳо ба ҳунари дасти ҳунармандон аҳсан мехонанд. Дар ин ҷо ҳамаи намудҳои ҳунарҳои дастии сокинони манотиқи мухталифи кишварро дидан мумкин аст. Мо кӯшиш мекунем, ки бо истифода аз чунин шароити хубу мусоид сатҳу сифати таълиму тарбияи насли наврасро боз ҳам баландтар бардорем».

Июль 13, 2018 15:35

Хабарҳои дигари ин бахш

Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид