Рустам Назарзода ва Валбург Росс масоили бартарафсозии ҳолатҳои фавқулодаро баррасӣ карданд
ДУШАНБЕ, 25.07.2018 /АМИТ «Ховар»/. Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, генерал-лейтенант Рустам Назарзода 24 июл бо директори Дафтари Швейтсария оид ба ҳамкорӣ бо Ҷумҳурии Тоҷикистон хонум Валбург Росс мулоқот намуд.
Дар ин бора ба АМИТ «Ховар» сардори маркази матбуоти Кумитаи ҳолатҳои фавқулода ва мудофиаи гражданӣ Умеда Юсуфӣ иттилоъ дод. Дар мулоқот рушди ҳамкорӣ оид ба огоҳсозӣ ва бартарафсозии ҳолатҳои фавқулода, ҳимояи аҳолӣ ва минтақа аз ҳодисаҳои нохуш, идомаи амалии лоиҳаи кӯли Сарез, омодасозӣ ва бозомӯзии мутахассисон баррасӣ гардид.
Бо зикри сатҳи баланди ҳамкории Тоҷикистон ва Швейтсария дар самти коҳиши хатари офатҳои табиӣ, Рустам Назарзода аз корҳое, ки барои назорати ҳолатҳои фавқулода дар ҷумҳурӣ анҷом дода шудаанд ва ҳамчунин аз ҳамкории байналмилалӣ бо мақомоти хориҷӣ маълумот дод.
Валбург Росс барои мулоқот изҳори сипос карда, сатҳи баланди фаъолияти Кумитаи мазкурро махсус зикр кард.
Дар мулоқот ҷонибҳо барои идомаи ҳамкории Кумитаи ҳолатҳои фавқулода ва мудофиаи гражданӣ ва Дафтари Швейтсария оид ба ҳамкорӣ омодагии худро иброз намуданд.
Дар истироҳатгоҳи «Ширкент» зиёда аз 1300 нафар кӯдакону наврасон истироҳат менамоянд
Қарзи давлатии ҷаҳонӣ ба 102 триллион доллар расид
Дар ноҳияи Рӯдакӣ 933 ҳолати қоидавайронкунии истифодаи неруи барқ ошкор карда шуд
Дар Маркази солимгардонии Суғд беш аз 200 нафар кӯдакону наврасон ба истироҳат ҷалб гардидаанд
Сокинони Анқараро даъват карданд, ки обро сарфакорона истифода намоянд
Мегафон Тоҷикистон: «Вақте роҳати хона бештар аст»
Имрӯз дар шаҳри Душанбе ҳаво то 37 дараҷа гарм мешавад
САЙРИ БАДАХШОН. Дар вилоят 647 адад ёдгориҳои таърихӣ, табиӣ ва монументалӣ ҷойгир мебошанд
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
