РЎЗЕ САРШОР АЗ ЛУТФУ МЕҲРУБОНӢ. Имрӯз – Рӯзи маъюбон
ДУШАНБЕ, 08.07.2018 /АМИТ «Ховар»/. Ҳамасола рӯзи 8 июл дар тамоми вилоятҳо ва шаҳру ноҳияҳои ҷумҳурӣ бахшида ба Рўзи маъюбон барномаҳои гуногуни саршор аз лутфу меҳрубонӣ нисбат ба ин табақаи осебпазир ва ниёзманди ҷомеа баргузор мегарданд.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд, бахшида ба ин сана дирӯз роҳбарият ва кормандони Муассисаи давлатии «Пажўҳишгоҳи экспертизаи тиббию иҷтимоӣ ва тавонбахшии маъюбон» ба хотири болидагии бошандагони бемористони муассиса дар якҷоягӣ бо кормандони Маркази саломатии шаҳрии №2 шаҳри Душанбе ва Ташкилоти ҷамъиятии «Ташаббуси волидайни кўдакони дорои аутизм – ИРОДА» барномаи идона баргузор намуданд.
Дар ҷамъомади мазкур зикр гардид, ки аз ибтидои марҳалаи соҳибистиқлолӣ то кунун ғамхорӣ дар ҳаққи табақаи маъюби кишвар, кўдакони ятиму бепарастор ва оилаҳои камбизоат ва дастрасии онҳо ба хизматрасонии тиббиву иҷтимоӣ дар маркази таваҷҷуҳи Ҳукумати Ҷумҳурии Тоҷикистон, алалхусус Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад. Ин қишри осебпазири ҷомеа на танҳо як рӯз, балки пайваста ба кумаку ғамхорӣ ва лутфу меҳрубонӣ ниёз дорад.
Ҷиҳати боз ҳам мустаҳкам намудани заминаҳои пешниҳоди хизматрасониҳо ба ин табақа Ҳукумати Ҷумҳурии Тоҷикистон «Барномаи миллии тавонбахшии маъбон барои солҳои 2017-2020»-ро қабул намуда, 22 марти соли 2018 Президенти Ҷумҳурии Тоҷикистон дар Маҷмаи Созмони Милали Муттаҳид ҷиҳати эътирофи «Конвенсия дар бораи ҳуқуқи маъбон» зери он имзо гузоштанд. Конвенсияи мазкур аз соли 2008 инҷониб ҳукми қонунӣ дорад ва аллакай 176 давлати ҷаҳон, аз ҷумла, Ҷумҳурии Тоҷикистон аъзои он мебошанд.
Бино ба иттилои манбаъ, дар ин рўз ҳамчунин барои болидагии хотири кўдакони маъюбе, ки дар ин шабу рўз дар бемористони муассиса қарор доранд, викторинаи расмкашӣ ва мусобиқаи варзишӣ ташкил карда мешавад.
Инчунин дар арафаи таҷлили Рўзи маъюбон дар шаҳри Бохтари вилояти Хатлон барои кормандони соҳа дар мавзўи «Ҷанбаҳои иҷтимоии солимии аҳолӣ ва пешгирии маъюбшавӣ дар Тоҷикистон» семинари илмӣ-амалӣ гузаронида мешавад.
Қобили зикр аст, ки Рўзи маъюбон дар дигар муассисаҳои табобатии Вазорати тандурустӣ ва ҳифзи иҷтимоии аҳолӣ низ таҷлил мегардад.
ПАРЧАМАТ БОДО ПАРАФШОН, ТОҶИКИСТОН! Дар мақомоти Ваколатдор оид ба ҳуқуқи инсон ҳамоиши идона доир шуд
Дар Роҳи оҳани Тоҷикистон бахшида ба Рӯзи Парчами давлатӣ ҳамоиши идона доир шуд
Бахшида ба Рӯзи Парчами давлатӣ дар Агентии амнияти химиявӣ, биологӣ, радиатсионӣ ва ядроӣ ҳамоиши идона доир шуд
Дар Суди конститутсионии Тоҷикистон Рӯзи Парчами давлатиро таҷлил намуданд
Дар баъзе ноҳияҳои кӯҳии Тоҷикистон борон ва барф меборад
Имрӯз дар ноҳияҳои алоҳидаи Тоҷикистон туман мефарояд
Беморхонаи марказии ноҳияи Муъминобод навсозӣ мегардад
Ҳамкорӣ дар соҳаи илму маориф байни муассисаҳои илмии Тоҷикистон ва Русия таҳким меёбад
Омодагии Вилояти Мухтори Кӯҳистони Бадахшон ба фасли зимистон мавриди баррасӣ қарор дода шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ҶАВОНОН-ПАЙРАВОНИ ПЕШВОИ МИЛЛАТ». Дар шаҳри Бӯстон ҳамоиши ҷавонону варзишгарон баргузор гардид
Ғолибони Мусобиқаи гӯштингирӣ барои дарёфти ҷоизаи Саидмуъмин Раҳимов муайян шуданд
