Ҷаласаҳои гурӯҳҳои кории Комиссияи муштараки байниҳукуматии Тоҷикистону Қатар оид ба ҳамкории иқтисодӣ, тиҷоратӣ ва техникӣ оғоз гардиданд
ДУШАНБЕ, 30.08.2018. /АМИТ «Ховар»/. Ҳамкории гуногунҷанбаи Тоҷикистону Қатар ба таври назаррас роҳандозӣ гардида, ҳамеша дар ҳоли рушд қарор дорад. Асос ва таҳкимбахши ин ҳамкорӣ аз сиёсати хирадмандона ва бобарори роҳбарони олии давлат- Тоҷикистон ва Қатар сарчашма мегиранд. Ин нукта имрӯз, 30 август зимни ифтитоҳи ҷаласаҳои гурӯҳҳои кории Комиссияи муштараки байниҳукуматии Тоҷикистону Қатар оид ба ҳамкории иқтисодӣ, тиҷоратӣ ва техникӣ, ки дар Вазорати рушди иқтисод ва савдои Ҷумҳурии Тоҷикистон оғоз ёфтанд, баён гардид.
Тавре мухбири АМИТ «Ховар» иттилоъ медиҳад, дар ҷаласаҳо намояндагони вазоратҳои рушди иқтисод ва савдо, маориф ва илм, тандурустӣ ва ҳифзи иҷтимои аҳолӣ, молия, нақлиёт, саноат ва технологияҳои нав, меҳнат, муҳоҷират ва шуғли аҳолӣ ва дигар идораҳои Тоҷикистон бо ҳайати меҳмонон – намояндагони вазоратҳои иқтисод ва тиҷорат, маориф ва таҳсилоти олӣ, муҳити зист, энергетика ва саноат, фарҳанг ва варзиш ва Бонки марказии Қатар мубодилаи афкор намуданд.
Бояд гуфт, ки ҷаласаҳои мазкур дар доираи ҷаласаи сеюми Комиссияи муштараки байниҳукуматии Тоҷикистону Қатар оид ба ҳамкории иқтисодӣ, тиҷоратӣ ва техникӣ, ки пагоҳ, 31 август дар шаҳри Душанбе баргузор мегардад, доир гардида истодаанд.
Зимни ифтитоҳи ҷаласаҳо ҳайатҳои расмиро аз ҷониби Тоҷикистон муовини Вазири рушди иқтисод ва савдои ҶТ Тоҷиддин Ҷӯразода ва аз ҷониби Қатар сардори Раёсати ҳамкории байналмилалӣ, созишномаҳои иқтисодию тиҷоратии Вазорати иқтисод ва тиҷорати Давлати Қатар Аҳмад Аҳан муаррифӣ намуданд.
Зикр гардид, ки ҳамкории гуногунҷанбаи Тоҷикистону Қатар сол то сол рушд ёфта, барои тавсеаи онҳо заминаҳои ҳуқуқӣ фароҳам меояд. Дар доираи ҷаласа мулоқоти дуҷонибаи кории ҳайатҳо баргузор гардид, ки дар он ҳамкории иқтисодӣ, тиҷоратию техникӣ ва сармоягузории байни ду давлат баррасӣ карда шуданд.
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
