Афзоиши таваҷҷуҳ ба СҲШ. Журналистон аз қароргоҳи ин созмон дидан карданд
ДУШАНБЕ, 05.09.2018 /АМИТ «Ховар»/. 5 сентябр дар шаҳри Пекин, дар қароргоҳи Созмони ҳамкории Шанхай бо журналистон ва намояндагони вазорату мақомоти назораткунандаи воситаҳои ахбори оммаи давлатҳои аъзои СҲШ вохӯрӣ баргузор гардид. Дар ин бора хабарнигори АМИТ «Ховар» Пайрави ҚОСИМ аз шаҳри Пекин хабар дод.
Зимни мулоқот муовини Котиби генералии СҲШ А. Субакожоева дар бораи фаъолияти имрӯзаи Созмон, имкониятҳои рушди он ва натиҷаҳои ниҳоии ҳамоиши Синдао маълумоти муфассал пешниҳод намуд. Инчунин оид ба корҳои анҷомдодашуда дар мавриди инъикоси фаъолияти СҲШ дар воситаҳои ахбори омма иттилоъ дода шуд.
Дар ҷараёни мулоқот меҳмонон ба саволҳои худ посух гирифта, омодагии худро барои ҳамкорӣ дар самти оммавикунонии мақсад ва ҳадафҳои СҲШ, Стратегияи рушди он то соли 2015 иброз доштанд.
Намояндагони Ҷумҳурии Қирғизистон ва Ҷумҳурии Беларус пешниҳод намуданд, ки имконияти ташкили воситаи ахбори оммаи СҲШ, аз ҷумла, шабакаи телевизионӣ, радио, нашриёти электронӣ барои давлатҳои аъзои созмон омӯхта шавад.
Пас аз анҷоми мулоқот барои меҳмонон сайругашт дар қароргоҳи СҲШ роҳандозӣ карда шуд.
Дар мулоқоти мазкур намояндагон аз давлатҳои Тоҷикистон, Ӯзбекистон, Қирғизистон ва Беларус иштирок намуданд.
Ёдовар мешавем, ки вохӯрии мазкур дар доираи семинар барои намояндагони ВАО-и давлатҳои аъзои СҲШ аз ҷониби Маркази омӯзишии Раёсати Ҷумҳурии Мардумии Чин оид ба нашр ва паҳни адабиёти бо забони хориҷӣ чопшаванда ташкил карда шуд.
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
