Дар Душанбе «Боғи фарҳангу фароғатии Восеъ» мавриди баҳрабардорӣ қарор дода шуд
ДУШАНБЕ, 05.09.2018. /АМИТ «Ховар»/. Дар арафаи таҷлили ҷашни 27-умин солгарди Истиқлолияти давлатии Ҷумҳурии Тоҷикистон дар ноҳияи Синои шаҳри Душанбе бо иштироки муовини аввали Сарвазири мамлакат Давлаталӣ Саид ва Раиси шаҳри Душанбе Рустами Эмомалӣ Муассисаи давлатии «Боғи фарҳангу фароғатии Восеъ» мавриди баҳрабардорӣ қарор дода шуд.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, корҳои бунёдӣ дар боғи мазкур дар асоси дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон моҳи ноябри соли 2017 оғоз гардида буданд.
Тибқи иттилои манбаъ, боғи мазкур дар кӯчаи Фазлиддин Муҳаммадиеви ноҳияи Синои шаҳри Душанбе дар асоси гулгашти мавҷуда, дар масоҳати беш аз 4 гектар бунёд гардида, пас аз анҷоми корҳои ободонию созандагӣ ин макон ба яке аз мавзеъҳои тамошобоб ва истироҳату фароғати сокинону меҳмонони пойтахт мубаддал гардидааст. Бояд зикр кард, ки аз ин пеш ин мавзеъ ба партовгоҳ табдил ёфта, дар ҳолати нохуби беҳдоштӣ қарор дошт.
Тибқи лоиҳа, дар ин боғи навбунёд 4 адад арғунчакҳо барои дилхушии кӯдакон, суҳбатҷойҳо, 1 адад фаввора бо чароғакҳои рангаи ороишӣ, қаҳвахонаи муосир, майдончаи варзишӣ ва гӯшаҳои муҷаҳҳази машқу тамрини бадан бунёд карда шудаанд. Баҳри сайру гашт ва истироҳату фароғати сокинону меҳмонон дар масоҳати бештар аз 6 ҳазор метри мураббаъ роҳравҳо бунёд гардида, ҳудуди он бо беш аз 22 ҳазор гулҳои ороишӣ зиннат дода шудааст. Ҳамчунин зимни бунёди боғ беш аз 3500 адад дарахтони ороишию сояафкан ва гулу буттаҳо шинонида шудаанд.
Зимни шиносоӣ бо ин маркази нави фарҳангию фароғатии пойтахт Раиси шаҳри Душанбе Рустами Эмомалӣ ба тарҳу намуд ва сатҳу сифати корҳои анҷомёфта баҳои баланд дода, ба бунёдкорон ва ташаббускорони он арзи сипос намуд. Раиси шаҳр масъулини ноҳия ва мақомоти иҷроияи ҳокимияти давлатии шаҳри Душанберо барои нигоҳубини дурусти дарахтон ва гулу буттаҳо ва ҳамеша дар ҳолати хуб нигоҳ доштани онҳо муваззаф намуд. Ҳамчунин масъулин супориш гирифтанд, ки дар ҳудуди боғ аломатҳои ишоракунанда ва хатти радиошунавонӣ насб намоянд.
«САЙРИ САДА». Дар Душанбе таҳти ин унвон барои иштирокдорон ва меҳмонони хориҷӣ хатсайрҳои сайёҳӣ ташкил гардид
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
НИШАСТИ МАТБУОТӢ. Ба истиқболи 35-солагии Истиқлоли давлатӣ дар Тоҷикистон бунёди 29 009 иншоот ба нақша гирифта шудааст
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
«БАРНОМАИ МИЛЛӢ ОИД БА БАРҲАМДИҲИИ ШАКЛҲОИ БАДТАРИНИ МЕҲНАТИ КӮДАКОН». Қарори Раиси шаҳри Душанбе оид ба амалишавии он дар пойтахт ба тавсиб расид
Қарори Раиси шаҳри Душанбе оид ба шарҳу тавзеҳи Паёми Президенти Ҷумҳурии Тоҷикистон ба тасвиб расид
«САЙРИ САДА». 1 феврал барои меҳмонон ва сокинони пойтахт хатсайрҳои сайёҳии ройгон ташкил мешаванд
СОЛҲОИ РУШДИ САНОАТ. Соли 2025 дар ҳар шаҳру ноҳияи Бадахшон коргоҳу корхонаҳои истеҳсолӣ бунёд мешаванд
