Дар ноҳияи Рӯдакӣ калонтарин маҷмааи варзишӣ ба истифода дода шуд
ДУШАНБЕ, 26.09.2018. /АМИТ «Ховар»/. То ҷашни 30-солагии Истиқлолияти давлатии Ҷумҳурии Тоҷикистон дар ноҳияи Рӯдакӣ сохтмони 414 иншооти дорои аҳамияти ҷамъиятиву ҷумҳуриявӣ ба нақша гирифта шудааст. Соли равон ба истифодадиҳии 27 иншоот, аз ҷумла 7 мактабу синфхонаҳо, 3 маркази савдо ва хизматрасонӣ, 3 майдонча ва маҷмааи варзишӣ, 4 иншооти коммуналӣ, 4 иншооти дорои дигар самти фаъолият ва 6 коргоҳи истеҳсолӣ ба нақша гирифта шудааст.
Дар доираи ин созандагиҳо имрӯз дар деҳаи Обчакорони деҳоти Чимтеппаи ноҳияи мазкур як маҷмааи варзишӣ ва майдончаи варзишии ҳозиразамон ба истифода дода шуд.
Маҷмааи солимгардонӣ дар ноҳия яке аз калонтарин ба ҳисоб рафта, масоҳати умумиаш 1882,2 метри мураббаъро ташкил медиҳад. Иншоот бо маблағи зиёда аз 2 млн. сомонӣ аз ҷониби соҳибкори маҳаллӣ бунёд ёфтааст.
Бино аз ду ошёна ва толорҳои барҳавои дорои 400 ҷои нишаст иборат буда, дар қабати дуюми бино ҷой барои тамрини бадан бо тамоми шароити мусоид муҳайё гардидааст. Иттилоъ дода шуд, ки дар ин ҷо имкон аст чорабиниҳои сатҳи баланди варзишӣ, аз қабили волейболу, баскетбол, гӯштин, тенниси рӯйи миз гузаронида шаванд. Таҷҳизоти маҷмааи солимгардонӣ ба маблағи 300 ҳазор сомонӣ харида шудааст.
Ҳамчунин имрӯз дар назди Муассисаи таҳсилоти умумии №115-и деҳаи Обчакорони деҳоти Чимтеппа майдончаи хурди варзишӣ барои бозии футболи хурд аз ҷониби соҳибкори инфиродӣ Баҳромҷон Иброҳимов мавриди истифода қарор гирифт. Дар расми ифтитоҳи майдончаи мазкур роҳбарияти мақомоти иҷроияи ҳокимияти давлатии ноҳияи Рӯдакӣ ва намояндагони Вазорати маориф ва илми ҷумҳурӣ, инчунин омӯзгорону хонандагон ва сокинони деҳа иштирок намуданд. Зикр шуд, ки дар баробари хонандагони ин муассисаи таълимӣ, инчунин наврасону ҷавонони деҳа баъди дарс ва рӯзҳои истироҳат метавонанд бемалол миёни ҳам сабқат намоянд.
Сохтмони майдончаи мазкур дар давоми 3 моҳ бо харҷи 120 ҳазор сомонӣ сохта шуда, масоҳати умумиаш 800 метри квадратиро ташкил медиҳад.
Зимни суҳбат бо устодону хонандагони муассисаи таълимӣ таъкид гардид, ки хонандагон бояд бо истифода аз имкониятҳои фароҳамшуда хуб таҳсил намуда, дар оянда барои пешрафти ҷомеа саҳмгузор бошанд.
Ба иттилои роҳбарияти мақомоти иҷроияи ҳокимияти давлатии ноҳияи Рӯдакӣ, то имрӯз дар ноҳия 9 иншоот ба истифода дода шудааст.
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
Масъалаҳои ташаккул ва рушди иқтисодиёти «сабз» дар шароити саноатикунонӣ баррасӣ карда шуданд
МАСЛИҲАТИ МУТАХАССИС. Бодиринг аз витаминҳои C ва K, минералҳои калий, магний ва антиоксидантҳо бой мебошад
Имрӯз дар баъзе ноҳияҳои Тоҷикистон борони кӯтоҳмуддат дар назар аст
ПИРЯХҲО ВА ОЯНДАИ САЙЁРА. Душанбе ба маркази муколамаи ҷаҳонӣ оид ба ҳифзи пиряхҳо табдил меёбад
