Дар ноҳияи Рӯшон Комендатураи сарҳадӣ ифтитоҳ гардид

Сентябрь 12, 2018 11:51

ХОРУҒ, 12.09.2018. /АМИТ «Ховар»/. Ба муносибати 27-умин солгарди Истиқлолияти давлатии Ҷумҳурии Тоҷикистон бо дастгирии бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон дар ноҳияи Рӯшон бинои Комендатураи сарҳадӣ мавриди истифода қарор дода шуд.

Дар маросими ифтитоҳи иншооти мазкур раиси Кумитаи давлатии амнияти миллии Ҷумҳурии Тоҷикистон Саймумин Ятимов, Ёрдамчии Президенти Ҷумҳурии Тоҷикистон оид ба масъалаҳои амнияти миллӣ Шералӣ Хайрулло,  Вазири нақлиёти ҷумҳурӣ Худоёр Худоёрзода ва дигар шахсони расмӣ ширкат варзиданд.

Иншооти нави Комендатураи сарҳадии «Рӯшон» бо маблағгузории Ҳукумати мамлакат дар масоҳати 2 гектар  бунёд гардидааст. Дар ин ҷо барои афсарону сарбозони Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, ки ҳимояи ҳамаҷонибаи марзи давлатиро бо масъулияти баланд ба уҳда доранд, шароити муосири хизматӣ ва будубош фароҳам оварда шудааст.

Иншооти навбунёд дорои хобгоҳи сарбозон буда, мутобиқ ба меъёрҳои хизмати ҳарбӣ сохта шудааст. Дар он вобаста ба имкониятҳои мавҷуда барои таълиму тарбияи сарбозон, бахусус наваскарон, баланд бардоштани ҳисси ифтихори миллӣ ва рӯҳану ҷисман омода намудани онҳо ҷиҳати ҳифзи марзу буми Ватан шароити мусоид фароҳам оварда шудааст.

Дар бинои асосии Комендатураи сарҳадии «Рӯшон» ҳамчунинн утоқҳои корӣ барои афсарон, хонаи хизмати сарҳадӣ, синфхонаҳои таълимӣ ва компютерӣ, китобхона, ҷой барои истироҳату фароғат, хизмати маишӣ ва ғайра бунёд гардидаанд. Комендатураи мазкур барои назорат ва ҳифзи сарҳади давлатӣ бо техникаву технологияи пешрафта таъмин шудааст.

Ҳамчунин дар ин Комендатура ошхонаи кушоду барҳаво, майдони сафороӣ, ду майдончаи варзишӣ, марказҳои таълимӣ, ҳаммом, утоқи махсус барои покиза кардани либос, анборҳо барои захираи маҳсулоти кишоварзӣ, сӯзишворӣ, либос ва мошинсарой мавҷуданд. Барои афсарон ва аҳли оилаи онҳо низ 8 бинои истиқоматии дорои хонаҳои дуҳуҷрагӣ бо тамоми шароити зарурӣ дар ин рӯз  мавриди баҳрабардорӣ қарор дода шуд.

Раиси Кумитаи давлатии амнияти миллии Ҷумҳурии Тоҷикистон Саймуъмин Ятимов  зимни мулоқот бо афсарону сарбозон ҳифзи  марзи давлатиро аз вазифаҳои аввалиндараҷа ва масъулиятноки марзбонон унвон карда, чунин гуфт: «Авзои ноамни кишвари ҳаммарзи Афғонистон моро ҳушдор медиҳад, ки дар ҳифозати марзи давлатӣ, таъмини сулҳу субот ва оромии кишвар талошу кӯшиши шабонарӯзӣ ба харҷ диҳем».

Сентябрь 12, 2018 11:51

Хабарҳои дигари ин бахш

Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
Намояндаи Тоҷикистон дар ҷаласаи Кумитаи амнияти САҲА дар Вена иштирок намуд
Дар шаҳри Турсунзода 70 кг маводи нашъаовар мусодира карда шуд
Дар вилояти Хатлон тақрибан 179 кг маводи нашъаовар мусодира ва гурӯҳи муташаккили фаромиллии қочоқбарон боздошт гардид
Дар Қазоқистон ҷаласаи роҳбарони воҳидҳои криминалии вазоратҳои корҳои дохилии ИДМ баргузор гардид