ФУТБОЛ: Дастаи мунтахаби то 16-солаи Тоҷикистон ба Малайзия сафар кард

ДУШАНБЕ, 13.09.2018 /АМИТ «Ховар»/. Дастаи мунтахаби наврасони то 16-солаи Тоҷикистон ҷиҳати омодагии ниҳоӣ ба бозиҳои финалии Чемпионати Осиё оид ба футбол ба Малайзия  сафар кард ва   Бозиҳои финалии Чемпионати Осиё, ки 20 сентябр баргузор мегарданд, ширкат меварзад.   

Дар Чемпионати Осиё байни наврасон дастаи мунтахабиТоҷикистон дар гурӯҳи «А» бо дастаҳои мунтахаби Малайзия, Япония ва Таиланд қувва меозмояд. Вохӯрии аввалинро наврасони мо  бо дастаи мутахаби Малайзия 20 сентябр дар Варзишгоҳи миллии шаҳри Куала-Лумпур мегузаронанд. Бозии дуюми онҳо бо дастаи мунтахаби Япония дар варзишгоҳи «UM Arena» ва дидори сеюм бо футболбозони Таиланд 26 сентябр дар ҳамин варзишгоҳ баргузор мегардад.

Дар сурати ба бозиҳои ¼-ниҳоӣ роҳхат гирифтан наврасони Тоҷикистон бо яке аз дастаҳои гурӯҳи «В» рӯ ба рӯ хоҳанд шуд.

Давоми як ҳафта футболбозони мо барои одат кардан ба иқлими Малайзия дар майдонҳои футболи ин кишвар тамрин гузаронида, вохӯриҳои таҷрибавӣ доир мекунанд. Сармураббии дастаи мунтахаби наврасони Тоҷикистон Зайниддин Раҳимов бо худ бозингарони зеринро ба Малайзия бурдааст:

Дарвозабонҳо:  Муҳриддин Ҳасанов («Парвоз»), Самандар Каримов («Локомотив-Помир»), Фирӯз Назаров (Академияи футболи ФФТ «Орзу-2026»);

Муҳофизатгарон: Муҳаммадрасул Лутфуллоев, Шаҳром Назаров, Меҳробҷон Азимов, Ҷонибек Шарифов, Исроил Холов, Шоҳрух Сангов (ҳама аз – «Локомотив-Помир»);

Ниммуҳофизатгарон: Иброҳим Зокиров («Регар-ТадАЗ»), Муҳаммадалӣ Азизбоев («Истаравшан»), Озодбек Панҷиев, Ҳамзаҷон Аҳтамов, Ҳамадонӣ Камолов, Нидоёр Забиров, Шарифбек Раҳматов, Умедҷон Холиқов, Парвиз Ҳоҷиев, Эмомалӣ Аҳмадхон (ҳама аз – «Локомотив-Помир»);

Ҳамлагарон: Сунатулло Исмоилов («Хатлон»), Рустам Соиров, Ислом Зоиров, Азизбек Ҳасанов (аз – «Локомотив-Помир»).