«МАВҚЕЪ»: БАРНОМАИ ТАҲЛИЛИИ ХУРШЕДИ ХОВАР (ҲАМДАМ) ДАР РАДИОИ «FM ХОВАР» (Нашри ҳафтум)

“Истиқлолият рамзи соҳибдавлатӣ ва ватандории миллати сарбаланду мутамаддини тоҷик аст, ки номаи тақдирашро ба дасти хеш навишта, роҳу равиши хосса ва мақому  мавқеи муносибро дар ҷомеаи ҷаҳонӣ пайдо карда, набзи давлату миллати моро бо набзи сайёра ҳамсадо месозад”. 

Эмомалӣ Раҳмон.
Асосгузори сулҳу ваҳдати миллӣ,
Пешвои миллат, Президенти ҶТ

Тоҷикистон ҷашн дорад. 9 сентябр – ба ҷашни давлатии истиқлолияти кишвари азизамон – Тоҷикистон 27 сол пур мешавад.  Ҷашне, ки Тоҷикистонро дар ҳудуди се даҳсола сари забони ҷаҳониён кардааст. Шукронаи истиқлолият, ки имрӯз Тоҷикистонро ҷомеаи ҷаҳонӣ эътироф мекунад ва ин кишвари Осиёи Марказӣ мавқеъ ва ҷойгоҳи худро дар арсаи байналмилалӣ касб кардааст.

Суоли мавриди назар ин аст, ки Тоҷикистон дар замони истиқлолият ба куҷо расид ва дурнамои истиқлолияти мо чӣ хоҳад шуд?

Ба манзури посух ба ин ва дигар суолҳо ба студияи Радиои Ховар даъват намудаем:

Бахтовар Сафаров, вакили мардумӣ, узви кумитаи Маҷлиси намояндагони Маҷлиси Олии Ҷумҳурии Тоҷикистон оид ба қонунгузорӣ ва ҳуқуқи инсон.

Ёрмуҳаммад Ниёзӣ, директори Пажӯҳишгоҳи омӯзиши масъалаҳои давлатҳои Осиё ва Аврупо.

Қурбонмад Гиёев, устоди Донишгоҳи миллии Тоҷикистон, профессор.

Маъруф Абуҷабборов,  сармутахассиси Маркази тадқиқоти стратегии назди Президенти ҶТ.

Дар зер сабти суҳбатро бишнавед.