МУРҒОБ БА МАРКАЗИ САНОАТӢ ТАБДИЛ МЕЁБАД! Ба фаъолият оғоз кардани корхонаи ғанигардонии маъдани нуқра қадами аввалин аст
ДУШАНБЕ, 13.09.2018. /АМИТ «Ховар»/. Дар доираи сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои Вилояти Мухтори Кӯҳистони Бадахшон дар мавзеи Якҷилваи деҳоти Аличури ноҳияи Мурғоб аввалин корхонаи калони саноатӣ дар ВМКБ — корхонаи ғанигардонии маъдани нуқра ба фаъолият оғоз кард. Дар маросими ифтитоҳи ин корхонаи муосир муовини Сарвазири мамлакат Азим Иброҳим, раиси Вилояти Мухтори Кӯҳистони Бадахшон Шодихон Ҷамшед ва дигар шахсони масъул ширкат намуданд.
Корхонаи мазкур дар баланди 4 ҳазору 500 метр аз сатҳи баҳр ҷойгир буда, иқтидори истеҳсолии он дар як сол истихроҷи 50 ҳазор тонна маъдан ва истеҳсоли хокаи нуқра дар ҳаҷми 12,5 ҳазор тонна мебошад.
Барои бунёди корхонаи мазкур беш аз 90 миллион сомонӣ сармояи хориҷӣ ҷалб гардида, дар марҳалаи аввали фаъолияти он 195 нафар мутахассисону коргарони маҳаллӣ бо ҷойи кори доимӣ ва маоши хуб таъмин карда мешаванд.
Корхона бо дастуру супоришҳои бевоситаи Пешвои миллат муҳтарам Эмомалӣ Раҳмон аз ҷониби ҶДММ «С.А. Менерализ» бо пешрафтатарин технологияи саноати кӯҳкорӣ бунёд гардидааст.
Зикр гардид, ки ба фаъолият оғоз кардани корхонаи мазкур дар баробари вусъат бахшидан ба раванди саноатикунонии минтақа ва таъсиси ҷойҳои нави корӣ, инчунин ба афзоиш додани ҳаҷми содироти мамлакат қадами устувор мегузорад.
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
