Намояндагони ВАО аз Маркази вилоятии наркологии шаҳри Кӯлоб дидан намуданд
ДУШАНБЕ, 12.09.2018. /АМИТ «Ховар»/. Дирӯз бо ташаббуси Барномаи пешгирии паҳншавии маводи нашъаовар дар Осиёи Марказӣ (CADAP) як гурӯҳ намояндагони ВАО ба Маркази вилоятии наркологии шаҳри Кӯлоб сафарбар шуданд.
Тавре мухбири АМИТ «Ховар» хабар медиҳад, рӯзноманигорон зимни сафар аз фаъолияти ин марказ ва таҷҳизоти тиббие, ки соли гузашта аз ҷониби Барномаи CADAP ба ин Марказ тақдим шуда буданд, дидан намуданд.
Бояд зикр намуд, ки Барномаи CADAP соли сипаригардида таҷҳизоти махсусгардонидашуда, аз қабили катҳои беморхона, ларингоскопҳо, дефибрилляторҳо, мониторҳо барои назорати ҳолати беморон, консентратҳои оксиген, таҳлилкунандаи нимавтоматии биохимиявӣ ва ғайраро ба Маркази вилоятии норкологии №2-и шаҳри Кӯлоб супорида буд.
Дар ин вохӯрӣ рӯзноманигоронро директори Маркази ҷумҳуриявии клиникии наркологии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Маҳмадраҳим Малахов, директори Маркази вилоятии наркологии №2-и шаҳри Кӯлоб Зоир Сабуров ва намояндагони Барномаи CADAP дар Тоҷикистон ҳамроҳӣ намуданд.
Маҳмадраҳим Малахов зикр кард, ки «мо итминон дорем, ки татбиқи лоиҳаҳои муштарак дар самтҳои асосии сиёсат оид ба мубориза бар зидди нашъамандӣ самаранокии тадбирҳоро ҷиҳати кам кардани пешниҳод ва талабот ба маводи нашъаовар баланд мекунад. Он инчунин ба паст кардани таҳдиди нашъамандӣ кумак мерасонад».
«Ин таҷҳизоти тиббие, ки ба мо ворид шудаанд, дар шуъбаи ёрии таъҷилӣ истифода бурда мешаванд. Дар заминаи ин шуъба кумаки махсуси наркологӣ дар ҳолатҳои истеъмолии аз воя зиёд ва дигар ҳолатҳо пешкаш карда мешавад. Бо истифодаи таҷҳизоте, ки аз тарафи Барномаи CADAP дастрас карда шудаанд, тӯли як сол ба зиёда аз 90 нафар беморони нашъаманде, ки бо сабаби заҳролудшавӣ дар натиҷаи аз меъёр зиёд истифода бурдани маводи нашъадор ба марказ дастрас гардиданд, ёрии таъҷилӣ расонида шуд ва онҳо ба ҳаёти дубора баргардонида шуданд», — гуфт дар суҳбат директори Маркази вилоятии наркологии №2-и шаҳри Кӯлоб Зоир Сабуров.
Бояд гуфт, ки таҷҳизоти тиббӣ аз ҷониби CADAP дар асоси дархости расмӣ аз Маркази ҷумҳуриявии клиникии наркологӣ харида шудааст. Арзиши таҷҳизоти мазкур 41 000 евро мебошад.
Барномаи мазкур аз ҷониби Иттиҳоди Аврупо маблағгузорӣ шуда, бо Консорсиуми кишварҳои Нидерландия, Чехия, Полша ва Германия дар якҷоягӣ бо Ташкилоти ҷамъиятии Германия оид ба ҳамкории байналмилалӣ (GIZ) амалӣ мегардад.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
