Ҷаласаи аввалини вазирони корҳои дохилии давлатҳои Осиёи Марказӣ
ДУШАНБЕ, 06.10.2018./АМИТ «Ховар»/. Имрӯз дар шаҳри Чолпон-Отаи Қирғизистон ҷаласаи аввалини якҷояи вазирони корҳои дохилии давлатҳои Осиёи миёна баргузор гардид. Дар ҷаласа Вазири корҳои дохилии Ҷумҳурии Тоҷикистон генерал-полковники милитсия Рамазон Раҳимзода ширкат намуд.Дар ин бора ба АМИТ «Ховар» аз Вазорати корҳои дохилии ҶТ хабар доданд.
Гуфта мешавад, ки 6 октябри соли 2018 дар шаҳри Чолпон-Отаи вилояти Иссиқ-Кӯли Ҷумҳурии Қирғизистон ҷаласаи аввалини вазирони корҳои дохилии давлатҳои Осиёи Марказӣ (Қирғизистон, Қазоқистон, Тоҷикистон, Ӯзбекистон) баргузор гардид, ки дар кори он Вазири корҳои дохилии Ҷумҳурии Тоҷикистон генерал-полковники милитсия Рамазон Раҳимзода иштирок ва суханронӣ намуд.
Ин чорабинии сатҳи байналмилалӣ бо мақсади амалӣ намудани вазифаҳо дар самти ба роҳ мондани ҳамкориҳо ба хотири пешрафти мардумони давлатҳои Осиёи Марказӣ, азнавсозӣ ва фаъолнокии муносибатҳои дӯстона ва ҳамсоягӣ, ки дар рафти вохӯрии машваратии роҳбарони давлатҳои Осиёи Марказӣ садо доданд, доир карда шуд.
Ҷаласа таҳти раёсати Вазири корҳои дохилии Ҷумҳурии Қирғизистон генерал-майори милитсия Кашкар Джунушвалиев доир гардида, дар кори он Вазири корҳои дохилии Ҷумҳурии Тоҷикистон генерал-полковники милитсия Рамазон Раҳимзода, Вазири корҳои дохилии Ҷумҳурии Қазоқистон генерал-полковник Калмуханбет Қосимов ва Вазири корҳои дохилии Ҷумҳурии Ӯзбекистон генерал-майор Пулод Бобоҷонов иштирок намуданд.
Ҳамчунин дар ҷаласа роҳбарони сарраёсат ва раёсатҳои корҳои дохилӣ ва департаментҳои сарҳадии вилоятҳои вазоратҳои корҳои дохилии давлатҳои Осиёи Марказӣ: Сарраёсати ВКД вилояти Чуйск, РКД дар вилояти Иссиқ-Кӯл, Таласс, Ош, Ҷалол-обод, Боткен (Қирғизистон); Департаменти корҳои дохилии вилоятҳои Алма-Ато ва Ҷамбули Қазоқистон; РВКД дар вилояти Суғд (Тоҷикистон), РКД дар вилоятҳои Андиҷон, Намангон ва Фарғона (Ӯзбекистон) ширкат варзиданд.
Дар ҷаласа масъалаҳои такмил додани механизми ҳамкориҳо дар соҳаи мубориза бар зидди ҷинояткорӣ ва ҳамоҳангсозии мақомоти корҳои дохилӣ дар таъмини тартиботи ҷамъиятӣ ва амният дар ноҳияҳои наздисарҳадии ҷумҳуриҳо мавриди баррасӣ қарор гирифта, ҳамчунин оид ба масъалаҳои мубрами амнияти минтақавӣ табодули афкор сурат гирифт.
Ҳамзамон дар рафти ҷаласа масъалаҳои муборизаи якҷоя бо ҷинояткории муташаккилона, муқовимат бо экстремизму терроризм, аз он ҷумла дар шабакаи Интернет ва масоили мубориза бо гардиши ғайриқонунии маводи нашъаовар баррасӣ гардиданд.
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
Намояндаи Тоҷикистон дар ҷаласаи Кумитаи амнияти САҲА дар Вена иштирок намуд
Дар шаҳри Турсунзода 70 кг маводи нашъаовар мусодира карда шуд
Дар вилояти Хатлон тақрибан 179 кг маводи нашъаовар мусодира ва гурӯҳи муташаккили фаромиллии қочоқбарон боздошт гардид
Дар Қазоқистон ҷаласаи роҳбарони воҳидҳои криминалии вазоратҳои корҳои дохилии ИДМ баргузор гардид
