Дар маҳфили «Тавозун» «Марҳилаи якуми ташаккули Буҷети давлатии Ҷумҳурии Тоҷикистон барои солҳои 2019-2021» баррасӣ гардид
ДУШАНБЕ, 11.10.2018/АМИТ «Ховар»/. «Марҳилаи якуми ташаккули Буҷети давлатии Ҷумҳурии Тоҷикистон барои солҳои 2019-2021»- таҳти чунин унвон имрӯз дар шаҳри Душанбе маҳфили журналистикаи иқтисодии «Тавозун» баргузор гардид. Дар он намояндагони вазорату идораҳои марбутаи мамлакат, коршиносони масоили иқтисодию молиявӣ ва намояндагони воситаҳои ахбори омма /ВАО/ иштирок намуданд.
Ҳадафи баргузории маҳфили «Тавозун» бо ҷалби ҷомеаи шаҳрвандӣ ва ВАО ба роҳ мондани муҳокимаи фаъоли буҷети миёнамуҳлати давлатӣ ҳамчун воситаи муҳими молиявии амалигардонии сиёсати иҷтимоӣ- иқтисодии мамлакат мебошад.
Дар он муовини директори Маркази тадқиқоти стратегии назди Президенти Ҷумҳурии Тоҷикистон Фарида Муминова, коршиносони маҳаллӣ оид ба банақшагирии стратегӣ Лола Қудусова ва дигар таҳлилгарону намояндагони ВАО атрофи банақшагирии стратегӣ дар Ҷумҳурии Тоҷикистон, таҷриба ва рушди он, марҳилаи стратегии таҳияи Буҷети давлатӣ барои солҳои 2019-2021 ва дигар паҳлуҳои афзалиятноки раванди таҳияи Буҷети давлатӣ ва татбиқи он дар самти рушди дурнамои иқтисодиёти мамлакат ва беҳдошти вазъи иҷтимоии ҷомеаи кишвар ибрози назар намуданд.
Зикр шуд, ки Буҷети давлатии Ҷумҳурии Тоҷикистон, ки ҳамасола аз ҷониби Парлумони мамлакат баъд аз баррасиҳои тӯлонӣ тасдиқ карда мешавад, хусусияти иҷтимоӣ дорад, зеро беш аз 50 фоизи ҳаҷми Буҷети давлатӣ барои рушди бахши иҷтимоии мамлакат – илму маориф, тандурустӣ, фарҳанг ва ҳифзи иҷтимоӣ равона карда мешавад.
Хабарнигори АМИТ «Ховар» иттилоъ медиҳад, ки маҳфили мазкур бо ибтикори созмони ҷамъиятии «Хома» бо мақсади фароҳам овардани замина ҷиҳати табодули афкору таҷриба дар инъикоси масоили иқтисодӣ дар ВАО-и кишвар гузаронида шуд.
Назар ба иттилои роҳбари созмони ҷамъиятии «Хома» Шаҳло Акобирова, дар доираи маҳфили «Тавозун» мунтазам вохӯриҳо оид ба муҳокимаи масъалаҳои мубрами иқтисодӣ миёни намояндагони ВАО, коршиносони байналмилалӣ ва ватанӣ, намояндагони мақомоти давлатӣ, олимон ва таҳлилгарон гузаронида мешаван
Тоҷикистон ва Қатар роҳҳои густариши ҳамкорӣ дар соҳаи авиатсияи гражданиро баррасӣ карданд
Дар Тоҷикистон тайи ду даҳсолаи охир беш аз чор миллион ҷойи кор таъсис ва барқарор гардидааст
Дар Душанбе Муколамаи минтақавии кишварҳои Осиёи Марказӣ таҳти унвони «80 миллион нафар, 5 кишвар, 1 овоз» доир гардид
Дар Форуми байналмилалии «Хатлон инвест-2025» байни ширкату корхонаҳои истеҳсолию саноатӣ санадҳои нави ҳамкорӣ ба имзо мерасанд
Ҳайати Тоҷикистон дар ҷаласаи умумии солонаи аъзоёни Шабакаи байниидоравии Камден иштирок намуд
БАРНОМАИ КАБУДИРЗОРКУНӢ. Дар доираи ин барнома дар Тоҷикистон ҳудуди ду миллиард дарахт шинонида мешавад
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
Дар Маркази тадқиқоти стратегӣ вазъи соҳаи роҳу нақлиёт ва таҳлили сатҳи рақамикунонии соҳа баррасӣ гардид
Пулҳои коғазии ҷашнӣ бо арзиши номиналии 100 сомонӣ ба муомилот бароварда шуд
Даромади буҷети давлатӣ барои соли 2026 дар ҳаҷми 65 миллиард сомонӣ пешбинӣ шудааст
РУШДИ САНОАТ. Дар Тоҷикистон ҳамасола зиёда аз 4,4 миллион тонна семент истеҳсол мегардад
Дар Душанбе дар мавзуи «Пули сомонӣ-рукни давлатдории миллӣ» конфронси илмӣ-назариявӣ баргузор шуд
