Дар Тошканд ҷаласаи Шӯрои вазирони мудофиаи кишварҳои узви ИДМ оғоз гардид
ДУШАНБЕ, 12.10.2018 /АМИТ «Ховар»/. Имрӯз дар шаҳри Тошканди Ҷумҳурии Ӯзбекистон ҷаласаи Шӯрои вазирони мудофиаи кишварҳои узви ИДМ баргузор гардид. Дар ҷаласаи мазкур Тоҷикистонро Вазири мудофиаи Ҷумҳурии Тоҷикистон, генерал –полковник Шералӣ Мирзо намояндагӣ дорад.
Имрӯз сарони ҳайати сохторҳои мудофиавии кишварҳои ИДМ-ро Президенти Ҷумҳурии Ӯзбекистон Шавкат Мирзиёев ба ҳузур пазируфт.
Шавкат Мирзиёев ташрифи сарони ҳайати Шӯрои вазирони мудофиаи кишварҳои узви ИДМ-ро ба Ҷумҳурии Ӯзбекистон хайрамақдам гуфта, зикр кард, ки «дар ҳақиқат ИДМ – ин ҳамон майдонест, ки барои мо аз ҳарвақта дида заруртар аст. Ӯзбекистон солҳои тулонӣ дар ҳайати ИДМ ширкат дорад, аммо чунин ҳамкории мутақобилан судманд, ки имрӯз ба назар мерасад, аз ин пеш дида намешуд».
Пеш аз мулоқот вазирони мудофиаи кишварҳои узви ИДМ ба пояи муҷассамаи «Модари мотамдор», ки ба хотираи 400 ҳазор нафар сарбозони дар Ҷанги дуюми ҷаҳон қурбонгаштаи Ӯзбекистон бунёд шудааст, гулчанбар гузоштанд.
Ҷаласаи Шӯрои вазирони мудофиаи кишварҳои узви ИДМ бори аввал аст, ки дар Тошканд мегузарад ва раисии онро Вазири мудофиаи Федератсияи Россия Сергей Шойгу ба уҳда дорад. Ба лоиҳаи Рӯзномаи ҷаласа 20 масъала ворид карда шудааст.
Ёдовар мешавем, ки дар ҷаласаи мазкур, аз ҷумла, баррасии вазъи минтақаи Осиёи Марказӣ, вазифаҳои афзалиятноки мубориза бар зидди терроризми байналмилалӣ, самтҳои рушди ҳамкории ҳарбӣ байни давлатҳои ИДМ, дурнамои системаи муттаҳидаи назорати вазъияти радиологӣ, кимиёвӣ ва биологӣ ба нақша гирифта шудааст.
Тавре Кумитаи иҷроияи ИДМ хабар медиҳад, ҳамчунин дар мулоқоти мазкур масъалаҳо оид ба ҳамкорӣ дар самти таъмини парвозҳои ҳавопаймоии қувваҳои мусаллаҳи кишварҳои ИДМ, татбиқи Консепсияи рушди системаи ягонаи давлатии шинохти радиолокатсионӣ, ҳамкорӣ дар соҳаи таҳсилоти низомӣ, гузаронидани чорабиниҳои муштарак бахшида ба 75-солагии Ғалаба дар Ҷанги дуюми ҷаҳон баррасӣ хоҳанд шуд.
Аъзои Шӯро ният доранд, ки нақшаи кории шӯроро барои соли 2019 қабул намоянд, ҳуҷҷатҳоро оид ба системаи алоқаи муштараки қувваҳои мусаллаҳи давлатҳои аъзои ИДМ, таъминоти иттилоотӣ оид ба фаъолияти қувваҳои мусаллаҳ дар давраи то соли 2022, ҳамкорӣ дар самти баҳрнавардӣ, геотехникӣ, геодезия, метрология ба имзо расонанд, чораҳои муштараки системаи муштараки ҳавоӣ дар кишварҳои ИДМ барои соли 2019-ро тасдиқ намоянд ва инчунин як зумра масъалаҳои дигарро дида бароянд.
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
Дар Норак даври шаҳрии озмуни вилоятии ҳарбӣ-варзишии «Ватанпарвар» ҷамъбаст шуд
