Дар Женева ҳамкории Тоҷикистон бо Созмони умумиҷаҳонии тандурустӣ баррасӣ гардид

Ноябрь 27, 2018 09:20

ДУШАНБЕ, 27.11.2018 /АМИТ «Ховар»/. 26 ноябри 2018 дар қароргоҳи Созмони умумиҷаҳонии тандурустӣ дар шаҳри Женева мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо Мудири  кулли он Созмон Тедрос Адханом Гебрейесус доир гардид.

Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, зимин мулоқот мусоҳиб аз талошҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рушди соҳаи тандурустӣ огоҳ гардид. Ҳамзамон ба Мудири кулл пешниҳодҳои мушаххас роҷеъ ба ҳамкории оянда, аз ҷумла  аҳамияти ҳамкории тарафайн ҷиҳати татбиқи реформаи хизматрасонии тиббӣ, ҷиҳозонидани муассисаҳои тиббӣ, коҳиши фавти модару тифлон ва монанди онҳо пешниҳод гардиданд.

Ба Созмон пешниҳод шуд, то дар иқдомҳои Тоҷикистон марбут ба Даҳсолаи байналмилалии амал «Об барои рушди устувор», барои солҳои 2018-2028 саҳм гирад.

Бо чаҳорчӯби ҳамкорӣ бо Афғонистон пешниҳод шуд, ки Созмон аз имкониятҳои низоми тиббии кишвари мо васеъ истифода барад.  Бо дарназардошти ягонагии забон ва мавҷудияти кадрҳои баландихтисос дар Тоҷикистон ба Созмон пешниҳод гашт, то лоиҳаҳои сеҷонибаро таҳия ва роҳандозӣ кунад.

Дар навбати худ Мудири кулл аз рушди ҳамкорӣ дар соҳаи тандурустӣ изҳори қаноатмандӣ кард. Пешниҳодҳои Тоҷикистон барои таҳкими минбаъдаи ҳамкорӣ мавриди баррасии он Созмон қарор хоҳанд гирифт. Ба имкониятҳои кишвари мо барои рушди соҳаи тандурустӣ дар Афғонистон алоҳида тамаркуз карда шуд.

Дар охири суҳбат ҷонибҳо ба қароре омаданд, ки Созмони умумиҷаҳонии тандурустӣ барои тадбиқи лоиҳаҳо ва барномаҳо дар Тоҷикистон дар соҳаи ҳифзи саломатӣ, бахусус Стратегияи миллии рушд то соли 2030 дар ҳамкорӣ бо дигар шарикони рушд кӯшишҳои зарурӣ ба харҷ хоҳад дод.

Ноябрь 27, 2018 09:20

Хабарҳои дигари ин бахш

Нишасти навбатии Гурӯҳи корӣ дар қолаби С5+Олмон баргузор гардид
Тоҷикистон аз созиши оташбас байни Исроил ва Эрон истиқбол менамояд
Сафири Тоҷикистон ба Президенти Малдив эътимоднома супорид
Дар Душанбе тақвияти ҳамкорӣ байни Тоҷикистон ва Қатар дар соҳаи иқтисоду тиҷорат баррасӣ шуд
Сироҷиддин Муҳриддин дар ҷаласаи вазирони корҳои хориҷии давлатҳои аъзои Созмони ҳамкории исломӣ иштирок намуд
Тоҷикистон зарбаҳои неруҳои ҳарбии ҳавоии Амрико ва Исроилро ба иншооти ҳастаии Эрон қатъиян маҳкум мекунад
Роҳбарони агентиҳои давлатии иттилоотии кишварҳои ИДМ дар Санкт-Петербург рушди ҳамкориро баррасӣ намуданд
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Дар Корея аз иқдомҳои Тоҷикистон дар самти мубориза бо биёбоншавӣ ва хушкӣ ёдовар шуданд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
Байни давлатҳои Осиёи Марказӣ ва Чин Паймони ҳамсоягии абадӣ, дустӣ ва ҳамкорӣ ба имзо расид
Шараф Шерализода дар иҷлосияи 59-уми Шурои ҳуқуқи инсони СММ иштирок намуд