ФУТБОЛ: дастаи мунтахаби Тоҷикистон бо роҳбарии сармураббӣ Усмон Тошев бозиҳои дӯстона анҷом медиҳад

ДУШАНБЕ, 11.12.2018 /АМИТ «Ховар»/. Дастаи мунтахаби футболи Тоҷикистон  ҷамъомади таълимиву тамриниро дар шаҳри Доҳаи Қатар 10  декабр ба анҷом расонида, субҳи имрӯз барои анҷом додани ду бозии дӯстона бо дастаи  мунтахаби  Уммон ба шаҳри Масқат сафар кард.

Тавре  аз Федератсияи футболи Тоҷикистон  ба  мухбири  АМИТ «Ховар»  хабар доданд, бозиҳои дӯстона миёни  дастаҳои мунтахаби  Тоҷикистону Уммон рӯзҳои 13  ва 16  декабр дар шаҳри Масқат баргузор мешаванд.

Баъдан дастаи мунтахаби Тоҷикистон таҳти раҳбарии сармураббӣ Усмон Тошев аз  шаҳри Масқат ба шаҳри Манама сафар менамояд. Дар онҷо футболбозони тоҷик 20  декабр бо  дастаи мунтахаби  Баҳрайн бозии дӯстона анҷом медиҳанд.