Агентии захираҳои моддии давлатӣ ба ноҳияи Ишкошим 25 тонна орд интиқол дод
ХОРУҒ, 30.01.2019 /АМИТ «Ховар»/. Роҳи мошингарди Хоруғ-Ишкошим бар асари тармафароии пай дар пай тӯли як ҳафта баста буд. Ин ҳолат сабаби боло рафтани нархи маҳсулоти ғизоӣ, аз ҷумла орд дар ноҳияи Ишкошим гардид.
Бо мақсади коҳиш додани нархи маҳсулоти ғизоӣ кормандони Агентии захираҳои моддии давлатии назди Ҳукумати Ҷумҳурии Тоҷикистон пас аз боз шудани роҳ тавассути мошинҳои Вазорати дифои кишвар ба ноҳияи мазкур 25 тонна орд интиқол дода, бо нархи 165 сомонӣ ба фурӯш гузоштанд. Намояндаи агентии мазкур Моҳина Соҳибназарбекова гуфт, ки «баъзе тоҷирон аз баста шудани роҳи мошингард истифода бурда, нархи ордро то ба 190 сомонӣ расонданд. Аммо Агентии захираҳои моддии давлатии назди Ҳукумати Ҷумҳурии Тоҷикистон ҳамагӣ баъди як рӯзи кушода шудани роҳи мошингард 25 тонна орд интиқол дода, нархи ин намуди маҳсулотро коҳиш дод. Роҳбандӣ ба дигар анвои маҳсулоти хӯрокворӣ, ба мисли равғану макарон, чою шакар, сабзию пиёз асаре нагузошт. Зеро дар дӯкону мағозаи марбут ба Агентӣ захираи кофии ин намуди маҳсулот мавҷуд буд».
Дар назар аст, ки рӯзҳои наздик боз 25 тонна орд ва дигар намуди хӯрокворӣ ба ин ноҳия интиқол дода шаванд.
Ваколатдор оид ба ҳуқуқи инсон дар Тоҷикистон дар ҷаласаи панҷуми Комиссия оид ба ҳуқуқи инсони ИДМ иштирок намуд
САДОИ ҚАЛБИ ҲАМСАФОНИ БУРУНМАРЗӢ. Ба Рӯзи таъсиси Ҳизби Халқии Демократии Тоҷикистон бахшида мешавад
Мусобиқаҳои ҷумҳуриявӣ оид ба шоҳмот, шашка, тенниси рӯи миз ва волейбол барои дарёфти «Ҷоми Пешвои миллат» ҷамъбаст шуданд
Нақши Бонки Осиёии рушд дар таҷдиди муассисаҳои таҳсилоти ибтидоӣ ва миёнаи касбии Тоҷикистон назаррас аст
ҒИЗОИ СОЛИМ. Челонро барои мубориза бо шамолхӯрӣ ва баланд бардоштани масуният тавсия медиҳанд
5 ДЕКАБР-РӮЗИ БАЙНАЛМИЛАЛИИ ВОЛОНТЁРОН. Бахшида ба ин рӯз дар Душанбе ҳамоиш доир гардид
Дар мавзуи «Эъломияи Куруши Кабир – аввалин Эъломияи ҳуқуқи инсон дар ҷаҳон» конфронс доир шуд
Намояндаи Тоҷикистон дар Форуми рушди малакаҳои касбӣ ва маориф дар Филиппин иштирок намуд
«ЗАН ВА ЗАМОН: 26 СОЛИ МУЗАФФАРИЯТ». Дар Душанбе таҳти ин унвон ҳамоиши сиёсию фарҳангӣ доир шуд
Конференсияи илмӣ-амалӣ ба нақши ҳизбҳои сиёсӣ дар баланд бардоштани ҳувияти миллӣ ва амнияти давлат бахшида шуд
Соҳибкорзанони Тоҷикистон лоиҳаҳои худро дар намоишгоҳи «WomenCup–2025» муаррифӣ намуданд
