«Ҷоми рушд-2019»: Тоҷикистон –Финляндия — 2:0

ДУШАНБЕ, 25.01.2018. /АМИТ «Ховар»/. Дастаи мунтахаби наврасони Тоҷикистон оид ба футбол (U-17) дар даври охири мусобиқаи байналмилалии «Ҷоми рушд-2019», ки дар Минск идома дорад, бо дастаи наврасони Финляндия қувва озмуда, бо ҳисоби 2:0  ғалаба ба даст овард.

Аз оғоз то анҷоми вохӯрӣ футболбозони тоҷик  аз ҳарифи аврупоии худ беҳтар буданд ва аллакай дар дақиқаи 2-юм ба Ислом Зоиров муваффақ шуд, ки ҳисобро кушояд. Баъдан дар нимаи дуввум Рустам Соиров (48) дарвозабони дастаи мунтахаби Финляндияро маҷбур кард, ки бори дигар тӯбро аз дарвоза берун орад. Ин голи охирин дар ҷараёни бозӣ  буд. Аз тарафи дигар, дарвозабони дастаи мунтахаби Тоҷикистон Мӯҳриддин Ҳасанов ҳам хеле олӣ ҳунарнамоӣ карда, нагузошт, ки ҳамлагарони фин хати дарвозаашро рахна кунанд.

Аз ин пештар дастаи мунтахаби Тоҷикистон бозиҳои худро дар баробари дастаи мунтахаби Беларус бо натиҷаи 0:5  ва Белгия 1:1 ҷамъбаст карда буд.

Дар вохӯрии дигари гурӯҳи «А»  дастаи мунтахаби Беларус бар Белгия бо ҳисоби 3:1 пирӯз гардид.

Дар натиҷа дар гурӯҳи «А» дастаи мунтахаби Беларус бо касби 6 имтиёз садрнишин шуд. Дастаҳои мунтахаби Белгия ва Тоҷикистон бо 4-холӣ ҷойҳои дуюм ва сеюм, финҳо бо 3 имтиёз зинаи чорумро ишғол карданд.

Аз рӯи низомномаи мусобиқа, дастаҳое, ки дар се гурӯҳ ҷои аввалро соҳиб шуданд, инчунин беҳтарин дастаи ҷои дуюми гурӯҳҳо муборизаро барои ҷом идома медиҳанд. Ду дастаи мақоми дуюм дар гурӯҳҳо ва ду дастаи беҳтарини мақоми сеюм муборизаро барои зинаҳои 5-8-ум, дастаҳои боқимонда барои ҷойҳои 9-12-ум бо ҳам рақобат мекунанд.

Ширкат варзидан дар мусобиқаи байналмилалии «Ҷоми рушд-2019» барои дастаи мунтахаби наврасони Тоҷикистон (U-17) яке аз марҳилаҳои  омодагӣ ба Чемпионати ҷаҳон-2019 ба ҳисоб меравад, ки аз 5 то 27 октябр дар Перу баргузор мегардад.

Мусобиқаи байналмилалии «Ҷоми рушд-2019» байни наврасон (U-17) дар Минск

Даври 1-ум
Гурӯҳи «А»

Беларус – ТОҶИКИСТОН – 5:0
Голҳо: Шаҳром Назаров, 11 – худгол (1:0). Адамчик, 29 (2:0). Плют, 35 (3:0). Шестюк, 56 (4:0). Шестюк, 73 (5:0).

Белгия – Финландия – 1:0

Даври 2-юм

Гурӯҳи «А»
Белгия – ТОҶИКИСТОН – 1:1
Голҳо: Ислом Зоиров, 13 (0:1). Михез, 51 (1:1).

Финландия – Беларус – 1:0

Даври сеюм

Тоҷикистон – Финляндия – 2:0

Голҳо: Ислом Зоиров, 2 (1:0). Рустам Соиров, 48 (2:0).

Тоҷикистон: Мӯҳриддин Ҳасанов, Шаҳром Назаров, Шоҳрух Сангов, Ҷонибек Шарифов (Парвиз Хоҷиев, 72), Исроил Холов (Асадбек Зиёзода, 77), Озодбек Панҷиев (Суннатулло Исмоилов, 80+1), Азизбек Ҳасанов (Меҳробҷон Азимов, 72), Шарифбек Раҳматов, Эмомалӣ Аҳмадхон, Ислом Зоиров, Рустам Соиров.

Беларус – Белгия – 3:1

Гурӯҳи «В»
Даври 1

Исроил – Молдова – 1:2
Исландия – Гурҷистон – 0:3
Даври 2

Исландия – Молдова – 1:0
Гурҷистон – Исроил – 0:2
Даври 3

Молдова – Гурҷистон – 0:2

Исроил – Исландия – 1:1

Гурӯҳи «С»
Даври 1

Словакия – Литва – 2:0
Булғория – Украина – 1:0

Даври 2

Булғория – Литва – 1:1

Украина – Словакия – 0:2

Даври 3

Литва – Украина – 1:1

Словакия – Булғория – 4:0