Дар Душанбе даври шаҳрии Фестивали фарҳангӣ — фароғатии «Чакомаи гесӯ» баргузор гардид
ДУШАНБЕ, 19.02.2019. /АМИТ «Ховар»/. Имрӯз дар толори Филармонияи давлатии Тоҷикистон ба номи Акашариф Ҷӯраев бо ташаббуси Мақомоти иҷроияи ҳокимияти давлатии шаҳри Душанбе бахшида ба Солҳои рушди деҳот, сайёҳӣ ва ҳунарҳои мардумӣ даври шаҳрии Фестивали фарҳангӣ — фароғатии «Чакомаи гесӯ» баргузор гардид.
Тавре мухбири АМИТ «Ховар» иттилоъ медиҳад, дар фестивали мазкур муовини Раиси шаҳри Душанбе Мавсума Муинӣ, ғолибони даври ноҳиявии фестивал аз ноҳияҳои пойтахт ва сокинон иштирок намуданд.
Бояд гуфт, ки то оғози барномаи фарҳангӣ-фароғатӣ меҳмонон ва иштирокчиёни фестивал аз намоишгоҳи маҳсулоти ороишии ҳунармандон ва косибони чаҳор ноҳияи пойтахт дидан намуданд.
Дар намоишгоҳ навъҳои гуногуни ороишоти миллии занона марбут ба ҳусну таровати мӯй, пардоз ва ороиши рӯй, намоиши ҳунарҳои мардумӣ, аз қабили шонатарошию оинасозӣ, сурмапазиву қаламсозӣ, маҳлулу равғанҳои табиӣ, хокаҳои сафедкунандаю хушбӯйкунанда, ҷамолакбофӣ, тарроҳиву рассомӣ ва ғайра ба маъраз гузошта шуданд.
Муовини Раиси шаҳри Душанбе Мавсума Муинӣ иштирокдорони ҷамъомадро аз номи Раиси шаҳр Рустами Эмомалӣ табрик намуда, иброз дошт: «Фестивал бо мақсади тарғибу ташвиқи ҳунарҳои мардумӣ, ҳифзи арзишҳои миллӣ, арҷгузорӣ ба мероси фарҳангии халқи тоҷик, бахусус намоишу парвариши мӯй, ороишу пардози рӯй, ҳаракати мавзун, тарбияи муоширати духтарон, тарғибу ташвиқ ва эҳёи анъанаву маросимҳои миллӣ, аз қабили саршӯёну мӯйбофон, зулфандозӣ ва ҷамолакбандию кокулбофӣ доир гардид».
Зикр гардид, ки Фестивали фарҳангӣ-фароғатии «Чакомаи гесӯ» дар асоси Амри Президенти Ҷумҳурии Тоҷикистон аз 13 декабри соли 2018 ва қарори марбутаи Раиси шаҳри Душанбе баргузор гардид.
«Дар замони соҳибистиқлолии мамлакат бо дастуру ҳидоятҳои пайвастаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар баробари дигар арзишҳои миллии тоҷикон, расму русум ва арзишҳои фарҳангӣ низ аз нав эҳё гардиданд», — илова намуд Мавсума Муинӣ.
Мавриди зикр аст, ки духтарону бонувони Душнбешаҳр бо намоиши барномаи дилнишини фарҳангӣ чор фасли соли табиати Тоҷикистонро бо сару либос, ороишоти миллии занона ва ҳунари волои рақсу суруди тоҷикӣ манзури тамошобинон гардониданд.
Дар фарҷоми фестивал ҳунари беҳтарин иштирокчиён натиҷагирӣ карда шуда, ғолибон бо диплому туҳфаҳои хотиравӣ қадрдонӣ шуданд.
Рақамикунонии Донишгоҳи байналмилалии сайёҳӣ ва соҳибкории Тоҷикистон яке аз самтҳои асосии стратегияи рушди донишгоҳ арзёбӣ гардид
Байни шаҳрҳои Тошканд ва Хуҷанд ҳамкорӣ дар соҳаи сайёҳӣ тақвият дода мешавад
ПАЁМЕ, КИ ҲАМА НУРУ НАВИД АСТ. Андешаҳои Шоири халқии Тоҷикистон Камол Насрулло дар ҳошияи Паёми Президенти Тоҷикистон ба Маҷлиси Олӣ
ПАЁМИ ПРЕЗИДЕНТИ ТОҶИКИСТОН — ДАСТУРАМАЛ ВА РОҲНАМО. Дар Душанбе ҳамоиши илмӣ доир гардид
Ризо Солеҳии Амирӣ: «Аз ҳар муваффақияти Тоҷикистон ҳушҳолу сарфароз мешавем»
Маркази тадқиқоти стратегии назди Президенти Ҷумҳурии Тоҷикистон ва Маркази пажуҳишии Шурои исломии Эрон ҳамкорӣ дар самти таҳқиқотро густариш медиҳанд
Байни Академияи миллии илмҳои Тоҷикистон ва Пажуҳишгоҳи муҳандисии генетикӣ ва биотехнологияи Эрон Ёддошти тафоҳум ба имзо расид
Аҳли илму адаби Эрон дар Осорхонаи миллӣ бо таъриху тамаддуни тоҷикон шинос гардид
Ҳамкории Академияи миллии илмҳои Тоҷикистон бо Вазорати мероси фарҳангӣ, гардишгарӣ ва саноеи дастии Эрон баррасӣ гардид
Байни ширкатҳои сайёҳии Тоҷикистон ва Эрон 6 санади ҳамкорӣ ба имзо расид
«Мероси Имоми Аъзам ва гуфтугӯи тамаддунҳо», «Мавлоно ва тамаддуни инсонӣ» сазовори «Шоҳҷоиза»-и Озмуни ҷумҳуриявии «Китоби сол-2024» гардиданд
Дар Душанбе робитаҳои фарҳангии Тоҷикистон ва Эрон баррасӣ шуданд
