Иттифоқи «Тоҷикматлубот»: зиёд шудани дӯконҳои фурӯши маҳсулоти кишоварзӣ ба паст шудани нарх мусоидат менамояд
ДУШАНБЕ, 05.02.2019 /АМИТ «Ховар»/. Соли 2018 ба воситаҳои ярмаркаҳои фурӯши маҳсулоти кишоварзӣ барои сокинони шаҳри Душанбе 749 тонна маҳсулот бо нархҳои аз бозор нисбатан арзон ба фурӯш бароварда шуд. Барои таъминоти аҳолӣ дар давраи тирамоҳу зимистони соли 2018 дар ҳаҷми умумии 1026 тонна маҳсулоти кишоварзӣ захира гардид. Дар ин бора имрӯз зимни нишасти матбуотӣ муовини раиси Иттифоқи «Тоҷикматлубот» Хуршед Сангаков ба хабарнигорон иттилоъ дод.
Ба саволи хабарнигорон дар мавриди гуногунии нархҳо дар ярмарка- фурӯши маҳсулоти кишоварзӣ номбурда зикр намуд, ки нархҳо зери назорати доимӣ қарор доранд.
«Паст намудани нархҳо вазифаи асосии мо буда, дар ин самт ҳолати бозори яклухт, нарх ва маҳсулот мавриди омӯзиш қарор дорад. Дар ярмаркаҳои озуқаворӣ нархҳо нисбат ба бозорҳо ҳамеша поёнтаранд»,- илова намуд муовини раиси«Тоҷикматлубот».
Ба гуфтаи мавсуф, дар ҳолати аз ҷониби сокинон пайдо шудани эътироз онҳо метавонанд ба «Тоҷикматлубот» муроҷиат кунанд. Дар ин ҳолат тадбирҳои дахлдор андешида мешаванд.
Айни замон ҷамъияти «Тоҷикматлубот» бо истифода аз мошинҳои сайёр ярмаркаҳо ташкил намуда, ба сокинони пойтахт маҳсулоти кишоварзӣ пешниҳод менамояд.
«Бо мақсади таъмини сокинон бо маҳсулоти кишоварзӣ мо ба Мақомоти иҷроияи ҳокимити давлатии шаҳри Душанбе бо пешниҳод муроҷиат намудем, ки дар ҳудуди пойтахт нуқтаҳои фурӯши сабзавот ташкил намоем. Ин масъала дар ҳоли баррасӣ қарор дорад. Агар ин масъала мусбат ҳал гардад, дар ин ҳолат мушкилоти зиёди мавҷуда ҳалли худро меёбанд. Зеро дар сурати зиёд шудани дӯконҳои фурӯши маҳсулоти кишоварзӣ нархҳо арзон шуда, аҳолӣ сари вақт бо маҳсулоти хушсифат таъмин карда мешавад», — зикр намуд номбурда.
Дар вилояти Суғд нақшаи ҷамъоварии пахта беш аз 131 ҳазор тонна пешбинӣ гардидааст
РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид
Дар Тоҷикистон ҷамъоварии ҳосили лимӯ оғоз шуд
Имсол ба Вилояти Мухтори Кӯҳистони Бадахшон беш аз 40 ҳазор сайёҳ ворид гардид
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
