КИТОБҲОИ ПЕШВОИ МИЛЛАТ ЭМОМАЛӢ РАҲМОН БА КИТОБХОНАИ БРИТАНИЯ КАБИР ТАҚДИМ ГАРДИДАНД. Дар шаҳри Лондон масъалаи ҳамкории ин китобхонаи машҳури дунё бо Китобхонаи миллии Тоҷикистон баррасӣ гардид
ДУШАНБЕ, 09.02.2019./АМИТ «Ховар»/. 4 феврал мулоқоти Сафири Ҷумҳурии Тоҷикистон дар Шоҳигарии Муттаҳидаи Британияи Кабир ва Ирландияи Шимолӣ Масъуд Халифазода бо Роҳбари Департаменти Ховари Миёна ва Осиёи Марказӣ Колин Бейкер ва Роҳбари Департаменти Осиё ва Африқои Китобхонаи Британия Луиса Элена Менгони баргузор гардид.
Зимни мулоқот имконияти ба имзо расонидани санади ҳамкорӣ миёни Китобхонаи миллии Тоҷикистон ва Китобхонаи Британия, баргузор намудани намоишгоҳҳо, ташкили сафарҳои мутақобилаи намояндагони ниҳодҳои марбутаи ҳарду кишвар, ҷалби бурсияҳои таҳсилии он сохтор барои Тоҷикистон ва дигар мавзуҳои ҷолиби ҳамкорӣ баррасӣ гардиданд. Ҳамзамон, аз ҷониби Сафорат китобҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба хазинаи Китобхонаи Британия тақдим гардиданд.
Китобхонаи Британия китобхонаи миллии Шоҳигарии Муттаҳида ва бузургтарин китобхона дар тамоми дунё шинохта шуда, аз 200 миллион нусхаи китоб ва дигар асноди иттилоотии мамолики мухталифи дунё иборат мебошад. Китобхонаи Британия ниҳоди асосии тадқиқотӣ ба ҳисоб рафта, дар хазинаи он маводҳо бо чандин забонҳо ва шаклҳои гуногун, ҳам чопшуда ва ҳам рақамӣ, маҳфуз дошта мешаванд.
Худи ҳамон рӯз вохӯрии Сафири Фавқулода ва Мухтори Ҷумҳурии Тоҷикистон дар Шоҳигарии Муттаҳидаи Британияи Кабир ва Ирландияи Шимолӣ Масуд Халифазода бо Тамара Гудвин – муовини роҳбари Сарраёти хадамоти авиатсионӣ ва Саманта Шеридан – роҳбари бахши ҳамкориҳои дуҷонибаи Вазорати нақлиёти Британияи Кабир доир гардид.
Зимни вохӯрӣ мавзӯҳо вобаста ба имзо намудани Созишнома байни Ҳукумати Ҷумҳурии Тоҷикистон ва Ҳукумати Муттаҳидаи Шоҳигарии Британияи Кабир ва Ирландияи Шимолӣ оид ба алоқаи ҳавоӣ ва рушди минбаъдаи ҳамкориҳои дуҷониба дар самти авиатсияи гражданӣ, баррасӣ гардиданд.
Муовини Сарвазири Тоҷикистон дар Форуми ҷаҳонии парасторон дар шаҳри Мадрид иштирок намуд
Дар Душанбе рушди муносибатҳои дуҷонибаи Тоҷикистону Чин баррасӣ гардид
Намояндаи Тоҷикистон бо Раиси Шурои иқтисодӣ ва иҷтимоии Созмони Милали Муттаҳид мулоқот намуд
Дар Душанбе ҷаласаи Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид
Масъалаҳои афзалиятноки ҳамкории Тоҷикистону Олмон дар соҳаи иқтисод баррасӣ гардиданд
«ИЛМ-ФУРӮҒИ МАЪРИФАТ». Бо мақсади шаффофият ва дақиқияти холҳои ғолибон портали электронӣ таъсис дода шуд
Дар Анқара рушди ҳамкории иқтисодию тиҷоратии Тоҷикистон ва Туркия баррасӣ гардид
Ҷаласаи раёсати Комиссияи миллии Ҷумҳурии Тоҷикистон оид ба корҳои ЮНЕСКО оғоз гардид
Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
«ФУРӮҒИ СУБҲИ ДОНОӢ КИТОБ АСТ». Давоми 7 соли баргузории озмуни ҷумҳуриявӣ чӣ натиҷаҳо ба даст омаданд?
Дар шаҳри Берлин муколамаи сиёсӣ байни Тоҷикистон ва Олмон баргузор гардид
Сафири Тоҷикистон бо мудири кулли Вазорати корҳои аврупоӣ ва хориҷии Австрия мулоқот намуд
