Раёсати нахустини Тоҷикистон дар “Раванди Алмаато”
ДУШАНБЕ, 14.02.2019 /АМИТ «Ховар»/. Шаҳри Душанбе муддати ду рӯз -12-13 феврали соли равон мизбони нишасти нахустини Гурӯҳи коршиносони техникии “Раванди Алмаато”- як ибтикори минтақавии байнидавлатии марбут ба муҳоҷират буд. Намояндагони мақомоти марбута аз Озарбойҷон, Қазоқистон, Қирғизистон ва Тоҷикистон, ҳамчунин коршиносони Созмони Милали Муттаҳид /СММ/ дар ин нишаст иштирок карда, роҷеъ ба масоили муҳоҷират ва мушкилоти ҳимояи гурезагон дар Осиёи Марказӣ ва минтақаҳои ҳаммарз муколама ва табодули иттилоот намуданд.
Раванди Алмаато доир ба ҳимояи гурезаҳо ва муҳоҷирати байналмилалӣ раванди минтақавии машваратӣ мебошад, ки чолишҳои муҳоҷират дар минтақаро бо роҳи ҳамкорӣ баррасӣ менамояд. Нишасти Душанбе аввалин чорабинии ин ибтикор аз соли таъсиси он- 2013 мебошад, ки таҳти Раёсати Тоҷикистон баргузор мегардад. Тоҷикистон Раёсати раванди Алмааторо барои солҳои 2019-2020 ба дӯш дорад.
Мусаллам аст, ки Тоҷикистон, Афғонистон, Озарбойҷон, Қазоқистон, Қирғизистон, Туркия ва Туркманистон аъзои Раванди Алмаато буда, Эрон ва Покистон дар он нозир мебошанд. Созмони Байналмилалии Муҳоҷират – Оҷонси СММ доир ба муҳоҷират (СБМ) ва Намояндагии Раёсати Комиссариати олии СММ дар умури паноҳандагон – Оҷонси СММ доир ба паноҳандагон (UNHCR) аз ҷониби СММ ба Раванди Алмаато кумаки техникӣ мерасонанд.
Кристина Транка, роҳбари дафтари СБМ дар Тоҷикистон мегӯяд: «Раванди Алмаато барои ҳукуматҳои Осиёи Марказӣ ба ҳайси пойгоҳи муҳиме ҷиҳати идомаи муколама доир ба муҳоҷират ва ҳуқуқи муҳоҷирон хидмат менамояд. Ҳимояи муҳоҷирон, муқовимат ба савдои одамон ва муҳоҷирати номуназзам, тарғиби ҳамгироии муҳоҷирон ва равишҳои бунёдии мудирияти муҳоҷират аз ҷониби ҳукуматҳо масоили муҳими соҳаи муҳоҷират дар Осиёи Марказӣ боқӣ мемонанд. Раванди Алмаато коршиносони соҳаи муҳоҷиратро ба ҳам меорад, то онҳо ба тааври муштарак барои пешбурди муҳоҷирати амн иқдом намоянд».
Нишасти нахустини Гурӯҳи коршиносони фаннии Раванди Алмаато дар доираи лоиҳаи «Барномаи минтақавии муҳоҷират дар Осиё» баргузор шуд.
Ҳайати Озарбойҷон дар Конфронси байналмилалии сатҳи баланд оид ба ҳифзи пиряхҳо иштирок менамояд
Дар Вена ҳамкории парлумонии кишварҳои Осиёи Марказӣ бо Австрия баррасӣ гардид
Сафири Тоҷикистон ба Президенти Ҷумҳурии Чехия эътимоднома супорид
Дар Душанбе омодагӣ ба ҷаласаи навбатии Шурои сарони ҳукуматҳо-сарвазирони ИДМ баррасӣ гардид
Сафири Тоҷикистон бо Мудири иҷроияи Маркази пажӯҳишӣ ва машваратии «TRENDS»-и Амороти Муттаҳидаи Араб мулоқот намуд
Машваратҳои сиёсӣ байни вазоратҳои корҳои хориҷии Ҷумҳурии Тоҷикистон ва Ҷумҳурии Корея баргузор шуданд
Дар Риёз ҳамкорӣ байни АМИТ «Ховар» ва Агентии иттилоотии Арабистони Саудӣ «SPA» баррасӣ шуд
Сафири Тоҷикистон бо мудири кулли Фонди кувайтии рушди иқтисодиёти араб мулоқот намуд
Сафири Тоҷикистон бо муовини якуми Вазири корҳои дохилии Арабистони Саудӣ мулоқот намуд
Сафири Тоҷикистон бо Вазири авиатсияи граждании Миср мулоқот намуд
Дар Душанбе омодагӣ ба Форуми ҳамкории «Осиёи Марказӣ-Ҷумҳурии Корея» мавриди баррасӣ қарор гирифт
Ҳамкории вилояти Хатлони Тоҷикистон ва вилояти Марии Туркманистон баррасӣ гардид
