Ширкати «Светал»-и Россия дар Тоҷикистон корхонаи муштарак таъсис хоҳад дод
ДУШАНБЕ, 21.02.2019/АМИТ «Ховар»/. 19 феврал дар Палатаи савдо ва саноати Ҷумҳурии Тоҷикистон вохӯрии мудири ширкати «НПО Светал» -и шаҳри Барнаули кишвари Олтойи Федератсияи Россия Иван Алексеенко бо намояндагони корхонаю ширкатҳои аъзои Палатаи савдо ва саноати Ҷумҳурии Тоҷикистон доир гардид.
Аз Палатаи савдо ва саноати Ҷумҳурии Тоҷикистон ба АМИТ «Ховар» иттилоъ доданд, ки дар вохурӣ фаъолияти ширкати «НПО Светал» муаррифӣ гардид. Ширкати мазкур ба таҳия ва истеҳсоли чароғу лампаҳои нурафшони барои кӯчаю хиёбон ва корхонаҳо махсусгардонидашуда, дигар дастгоҳу таҷҳизот, чароғҳои равшанидиҳандаи инноватсионӣ ва аз лиҳози экологӣ тоза машғул мебошад. Дар ҷараёни вохӯрӣ ҳамзамон доир ба фаъолияти ширкатҳои Тоҷикистон, ки дар самти истеҳсоли чароғ ва дигар таҷҳизоти равшанидиҳандаю нурафкан фаъолият доранд, иттилоъ дода шуда, масъалаи таҳкими ҳамкорӣ дар ин самт баррасӣ гардид.
Бо назардошти талаботи бозори кишвари ҳамсояи Афғонистон аз ҷониби Палатаи савдо ва саноати Тоҷикистон пешниҳод гардид, ки дар оянда дар Тоҷикистон бо мақсади истеҳсоли чароғҳо ва дигар таҷҳизоти равшанидиҳандаю нурафшон корхонаи муштарак таъсис дода шавад.
Ҳайати Тоҷикистон дар ҷаласаи баҳории Гурӯҳи Бонки ҷаҳонӣ ва Хазинаи Байналмилалии Асъор иштирок намуд
Таҳкими ҳамкории Тоҷикистон бо ширкати «Air Dynamics Solutions» дар Душанбе баррасӣ гардид
Намояндагони ширкати «Хан Хай Си Че Маой»-и Чин бо фаъолияти Минтақаи озоди иқтисодии «Суғд» шинос шуданд
Имсол дар шаҳри Кӯлоб беш аз 2 тонна пиллаи хушсифат истеҳсол карда мешавад
Дар Хатлон масъалаи бунёди корхонаҳои саноатӣ баррасӣ карда шуд
Дар Тоҷикистон ба маблағи беш аз 13 миллиард сомонӣ маҳсулот истеҳсол гардидааст
Дар Душанбе масъалаи барӯйхатгирии соҳаи кишоварзӣ баррасӣ гардид
Бо мақсади омӯзиши тартиб ва меъёрҳои тарҳи ҳиссаҷудокунӣ ба фондҳои захиравии суғуртавӣ машғулият доир шуд
Вазъи макроиқтисодии Тоҷикистон дар мулоқот бо Директори Департаменти кишварҳои Ховари Миёна ва Осиёи Марказии ХБА баррасӣ шуд
Масоили мубрами макроиқтисодӣ дар мулоқоти ҳайати Тоҷикистон бо роҳбарияти Хазинаи Байналмилалии Асъор баррасӣ шуд
Ҳоким Холиқзода бо Антонелла Бассани вохӯрӣ намуд
Вазири молияи Тоҷикистон бо роҳбарияти ширкати байналмилалии машваратии Alvarez & Marsal мулоқот намуд
