Вазири молия Ф. Қаҳҳорзода: «Соли гузашта саноати мамлакат 11 фоиз афзоиш ёфтааст»
ДУШАНБЕ, 15.02.2019/АМИТ «Ховар»/. Новобаста аз равандҳои сиёсию иқтисодии ҷаҳонӣ ва таҳримҳо нисбат ба шарикони асосии тиҷорати Ҷумҳурии Тоҷикистон, рушди бонизоми иқтисодӣ ва устувории нишондиҳандаҳои макроиқтисодии ҷумҳурӣ соли сипаришуда таъмин гардид. Дар ин хусус ба намояндагони воситаҳои ахбори омма Вазири молияи Ҷумҳурии Тоҷикистон Файзиддин Қаҳҳорзода имрӯз дар нишасти хабарӣ иттилоъ дод. Вазири молия афзуд, ки ҳаҷми Маҷмӯи маҳсулоти дохилии кишвар соли гузашта ба 68,8 миллиард сомонӣ баробар гардида, суръати рушди воқеии он 107,3 фоизро ташкил дод.
Зикр шуд, ки дар қиёс ба соли 2017 саноати мамлакат 11 фоиз, кишоварзӣ 4 фоиз, гардиши савдо беш аз 15 фоиз, маблағгузорӣ ба сармояи асосӣ аз ҳисоби тамоми сарчашмаҳои маблағгузорӣ зиёда аз 7 фоиз, гардиши савдои хориҷӣ 6,3 фоиз ва хизматрасонии пулакӣ ба аҳолӣ ба андозаи 2,1 фоиз афзоиш ёфтааст.
Ҳамзамон Файзиддин Қаҳҳорзода афзуд, ки соли гузашта сиёсати идоракунии молиявии давлатӣ барои татбиқи санадҳои стратегӣ ва барномаҳои соҳавии кишвар, иҷрои нишондиҳандаҳои қисми даромад ва хароҷоти буҷети давлатӣ, дарёфти сарчашмаҳои нави даромад ба буҷет ва таъмини рушди бомароми соҳаҳои иқтисодиёти миллӣ равона гардида буд.
Дар вилояти Суғд нақшаи ҷамъоварии пахта беш аз 131 ҳазор тонна пешбинӣ гардидааст
РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид
Дар Тоҷикистон ҷамъоварии ҳосили лимӯ оғоз шуд
Имсол ба Вилояти Мухтори Кӯҳистони Бадахшон беш аз 40 ҳазор сайёҳ ворид гардид
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
