Беҳрӯз Хоҷазода дар шаҳри Екатеринбург медали биринҷӣ ба даст овард

Март 18, 2019 09:00

ДУШАНБЕ, 18.03.2019. /АМИТ «Ховар»/. Рӯзҳои  15-17 март дар шаҳри Екатеринбурги Федератсияи Россия мусобиқаи байналмилалии  Гранд  Слам оид ба дзюдо баргузор  шуд, ки дар он варзишгарони тоҷик ширкат карданд.

Дар ин бора корманди  Кумитаи миллии олимпии Тоҷикистон Умаралӣ Сафаралӣ   ба мухбири АМИТ «Ховар» хабар дод. Зикр шуд, ки   ин  сеюмин мусобиқаи Гранд Слам аст, ки соли 2019 баргузор гардид. Паҳлавони маъруфи  тоҷик  Беҳрӯз Хоҷазода  дар рӯзи дуюми мусобиқаи байналмилалии Гранд Слам оид ба дзюдо дар шаҳри  Екатеринбурги Руссия сазовори медали биринҷӣ гардид.

Бояд зикр кард, ки Беҳрӯз Хоҷазода  дар қувваозмоиҳо дар вазни -73кг бар варзишгарони Германия (Роберт Бервиг), Юнон (Ҷорҷиос Маркариан) ғалаба карда, дар даври сеюм аз варзишгари Шведсия Томми Макиас, ки ғолиби ин вазн гардид, мағлуб шуд. Беҳрӯз Хоҷазода дар идома бар Виктор Стерпу аз Молдова ва Эдуардо Барбоса аз Бразил дастболо шуда, ҷои сеюмро ишғол кард. Воқеан медали биринҷии Беҳрӯз аввалин медали дзюдочиёни тоҷик дар мусобиқоти Гранд Слам ва аввалин медали ӯ дар мусобиқоти байналмилалии дзюдо мебошад.

Сомон Маҳмадбеков – паҳлавони дигари тоҷик дар вазни -73 кг пас аз як ғалаба бар Ҳамсат Исоев аз Германия дар даври дуюм аз Фабио Басилеи итолиёӣ, ки медали нуқраро сазовор шуд, шикаст хӯрд.

Хотиррасон менамоем, ки  варзишгарони мо Далер Қурбонҷонов ва Комрон Мамадназаров дар вазни -60кг миёни мардҳо,   Шоҳида Қаландарова дар вазни -57кг миёни бонувон  ва Саидҷалол Саидов дар вазни -100кг ва Шакармамад Мирмамадов дар вазни +100кг дар даври аввал аз ҳарифонашон  мағлуб шуданд.

Ёдовар мешавем, ки  дар сеюмин  мусобиқаи Гранд Слам 353 нафар варзишгарон (202 мард, 151 зан) аз 47 давлати дунё иштирок  карданд.

Март 18, 2019 09:00

Хабарҳои дигари ин бахш

Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад
ФУТБОЛ. Бозии дӯстона байни дастаҳои мунтахаби наврасони Тоҷикистон ва Узбекистон мусовӣ анҷом ёфт
ФУТБОЛ. «Истиқлол»-и Душанбе бо «Ал-Наср»-и Криштиану Роналду дар як гурӯҳ қарор гирифт
ЛИГАИ ЧЕМПИОНҲОИ ДУЮМИ ОСИЁ-2025/26. Имрӯз дастаҳои «Регар-ТадАЗ» ва «Аҳал»-и Туркманистон бо ҳам бозӣ мекунанд
Дастаи мунтахаби наврасони то 17-солаи Тоҷикистон мусобиқаи байналмилалиро дар Индонезия бо мусовӣ оғоз кард
Дар Бохтар ду майдончаи нави футбол мавриди истифода қарор гирифт
«ПЕШВОИ МИЛЛАТ ҲОМИИ ВАРЗИШ ВА ПУШТИБОНИ ҶАВОНОН». Дар Душанбе таҳти ин унвон ба ифтихори Рӯзи варзишгарон чорабинӣ баргузор шуд