Дар Душанбе дар мавзӯи «Имрӯз амал намову фардоро бисоз» конфронси минтақавӣ баргузор гардид
ДУШАНБЕ, 28.03.2019. /АМИТ «Ховар»/. Имрӯз дар шаҳри Душанбе дар мавзӯи «Имрӯз амал намову фардоро бисоз» конфронси минтақавӣ баргузор гардид.
Дар конфронси мазкур муовини раиси Маҷлиси намояндагони Маҷлиси Олии Ҷумҳурии Тоҷикистон Хайринисо Юсуфӣ, муовини директори минтақавии СММ Иан Фарлане, Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода, Сафири фавқулодда ва мухтори Ҷумҳурии Япония дар Ҷумҳурии Тоҷикистон Ҳаҷимэ Китаока, Раиси Кумитаи рушди туризми назди Ҳукумати Ҷумҳурии Тоҷикистон Нуъмон Абдуғаффорзода, аъзои Кумитаи миллӣ оид ба аҳолӣ ва рушди назди Маҷлиси намояндагони Маҷлиси Олии Ҷумҳурии Тоҷикистон, вакилони парлумонҳои кишварҳои Иттиҳоди давлатҳои Мустақил, намояндагони парлумонҳои Гурҷистон, Покистон, Муғулистон ва сафирони Иттиҳоди Давлатҳои Мустақил иштирок намуданд.
Зикр гардид, ки бо баргузории мулоқотҳои мунтазами Сарвари давлат бо ҷавонон дар ҳаёти иқтисодиву иҷтимоӣ ва фарҳангию сиёсии онҳо дастовардҳои беназир, иқдомҳои нек ва созанда рӯи кор омаданд. Маҳз бо пешниҳоди Пешвои миллат соли 2017 Соли ҷавонон эълон гардид ва ин иқдом эҳтироми ҷавононро ба муқаддасоту арзишҳои миллӣ қавитар гардонид.
Мояи хушнудист, ки Тоҷикистон бо сиёсати хирадмандонаву ҷавонпарваронаи худ миёни кишварҳои хориҷӣ мавриди таҳсин қарор гирифтааст. Пешбарии ҷавонон дар ҳаёти сиёсиву иҷтимоии мамлакат нек арзёбӣ гардида, онҳо мавриди таваҷҷуҳи хоси Ҳукумати ҷумҳурӣ қарор доранд.
Бояд гуфт, ки ҳадаф аз баргузории конфронси минтақавӣ дар мавзӯи «Имрӯз амал намову фардоро бисоз»- ин баррасии сиёсати ҷавонон ва кумаку чорабиниҳои мамлакатҳои иштирокчӣ вобаста ба ҳифзи саломатӣ, дастрасӣ ба маориф, касбу ихтисос, ҷойгиршавӣ дар бозори меҳнат ва дигар масъалаҳои муҳими сиёсати ҷавонон мебошад. Зеро имрӯз ҷавонон неруи пешбарандаи ҷомеа маҳсуб гардида, дар самти иҷтимоиву иқтисодӣ, фарҳангӣ ва сиёсии мамлакат бояд фаъолона иштирок намоянд.
Конфронси минтақавӣ ва байналмилалӣ пагоҳ, 29 март низ кори худро идома медиҳад.
Ёдовар мешавем, ки конфронси минтақавӣ ва байналмилалӣ дар мавзӯи «Имрӯз амал намову фардоро бисоз» бо ташаббуси Кумитаи миллӣ оид ба аҳолӣ ва рушди Маҷлиси намояндагони Маҷлиси Олии Ҷумҳурии Тоҷикистон дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Ассотсиатсияи Осиё ва Рушд, Хазинаи ҷамъиятии Япония ва Фонди рушди аҳолии Созмони Милали Муттаҳид баргузор гардид.
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
