Дар Маҷмааи фарҳангию таърихии «Қалъаи Хуҷанд» шуъбаи сайёҳӣ ташкил гардид

Март 30, 2019 11:33

ХУҶАНД, 30.03.2019. /АМИТ«Ховар»/.  Давоми се моҳи аввали соли 2019 аз Маҷмааи фарҳангию таърихии «Қалъаи Хуҷанд», ки аз «Осорхонаи таърихии вилояти Суғд», «Осорхонаи бостоншиносӣ ва истеҳкомоти шаҳри Хуҷанд ба номи академик Нӯъмон Неъматов» ва «Хона-музейи Камоли Хуҷандӣ»  иборат аст, 10 ҳазору 870 нафар сайёҳони дохиливу хориҷӣ  дидан намуданд.

Тавре ба АМИТ «Ховар» аз маъмурияти Муассисаи давлатии Маҷмааи фарҳангию таърихии «Қалъаи Хуҷанд» иттилоъ доданд, роҳбарият ва кормандони муассиса баҳри дар Соли рушди деҳот, сайёҳӣ ва ҳунарҳои мардумӣ бештар ҷалб намудани сайёҳони хориҷӣ тадбирҳои зарурӣ андешида, аз имкониятҳои мавҷуда мақсаднок истифода мебаранд.

Дар ин замина аз ҷониби ҷомеаи меҳнатии муассиса дар раванди вусъати корҳои ободониву сарсабз гардонидани ҳудуди мавзеи Маҷмаа, инчунин дар самти муаррифии ин мавзеъи таърихӣ ва бозёфтҳои нодири осорхонаву қалъаи он, бо мақсади муаррифии мавзеъҳои таърихӣ ва ҷалби шумораи бештари сайёҳони дохил ва хориҷи мамлакат шуъбаи нав – сайёҳӣ ташкил гардид.

Ин шуъба имрӯзҳо бо якчанд ширкатҳои бонуфузи сайёҳии ҷумҳурӣ, аз ҷумла “Ориент Эдвантур”, “Панҷакент Интур”, “Хуҷанд Помир Тревел”, Ассотсиатсияи тараққиёти Зарафшон ва “Тоҷикистон Тревел” ҳамкории судманд дорад. Инчунин давоми се моҳи аввали соли равон 580 адад сайри илмӣ гузаронида шуда, теъдоди тамошобинони ба ин гуна сайр фарогирифта 3451 нафар ташкил дод. Беш аз 320 нафар меҳмонон аз давлатҳои ИДМ ва хориҷи дур мебошанд.

Ҳамчунин тибқи иттилои масъулин, имрӯзҳо Маҷмааи фарҳангию таърихии “Қалъаи Хуҷанд” ба мавзеи диққатҷалбкунанда табдил ёфтааст. Танҳо давоми соли сипаригашта аз ҳудуди он беш аз 64 ҳазор нафар бошандагону истироҳаткунандагон дидан намуданд.

Бояд зикр кард, ки МД Маҷмааи фарҳангию таърихии «Қалъаи Хуҷанд» яке аз мавзеъҳои хушманзару диққатҷалбкунандаи сайёҳии шимоли Тоҷикистон ба ҳисоб рафта, он на танҳо барои рушди илму фарҳанг, балки равнақи соҳаи сайёҳии ҷумҳурӣ низ мусоидат мекунад.

Март 30, 2019 11:33

Хабарҳои дигари ин бахш

РУШДИ САЙЁҲӢ. Имсол ба вилояти Суғд беш аз 242 ҳазор меҳмони хориҷӣ ворид шудааст
РУШДИ САЙЁҲӢ. Табиати дилфиреби Хатлонзаминро беш аз 400 ҳазор нафар сайёҳон тамошо намуданд
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
Сарвари давлат Эмомалӣ Раҳмон дар ноҳияи Дарвоз аз деҳаи этнографии комплекси сайёҳии «ЗЕВ.С» дидан намуданд
Пешвои миллат Эмомалӣ Раҳмон дар ноҳияи Дарвоз ба фаъолияти комплекси сайёҳии «ЗЕВ.С» оғоз бахшиданд
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд