Донишгоҳи Осиёи Марказӣ ба феҳристи имтиҳонҳои дохилшавӣ шомил гардид
ДУШАНБЕ, 04.03.2019/АМИТ «Ховар»/. Донишгоҳи Осиёи Марказӣ дар шаҳри Хоруғ ва боз 15 муассисаҳои таҳсилоти миёнаи касбӣ ба феҳристи имтиҳоноти дохилшавӣ аз тариқи Маркази миллии тестӣ шомил гардиданд
Дар ин росто дар нуқтаи бақайдгирии 0401-и Маркази миллии тестии назди Президенти Ҷумҳурии Тоҷикистон, воқеъ дар бинои Донишгоҳи давлатии шаҳри Хоруғ мулоқоти довталабону волидони онҳо бо масъулини ин нуқтаи бақайдгирӣ доир шуд.
Роҳбари нуқтаи бақайдгирӣ Мамадэъсо Имомёрбеков мегӯяд, ки «ҳарчанд давоми як моҳи охир кормандони марказ ба ҳамаи ноҳияҳои вилоят сафар карда, бо омӯзгорон, хатмкунандагон ва волидони онҳо оид ба тарзу усулҳои имтиҳоноти дохилшавӣ аз тариқи маркази тестӣ маълумоти мукаммал пешниҳод намуданд, аммо рӯзҳои аввали ба фаъолият шурӯъ кардани ин марказ зарур шумурдем, ки бори дигар бо онҳо мулоқот анҷом диҳем. Яке аз навигариҳо дар мавсими имсолаи имтиҳоноти дохилшавӣ-ин ба феҳристи муассисаҳои олии ватанӣ шомил кардани Донишгоҳи Осиёи Марказӣ дар шаҳри Хоруғ мебошад».
Бояд тазаккур дод, ки Донишгоҳи Осиёи Марказӣ дар шаҳри Хоруғ моҳи сентябри соли гузашта бо иштироки Президенти мамлакат расман ба фаъолият оғоз кард. Донишгоҳ бар асоси шартномаи байналмилалӣ байни ҷумҳуриҳои Тоҷикистон, Қирғизистон, Қазоқистон ва Фонди Оғохон бунёд ёфта, аз рӯи ду ихтисос — омӯзиши илм дар бораи замину муҳити зист ва иқтисодиёт мутахассис омода мекунад. Ҳоло дар ин донишгоҳ 150 нафар донишҷӯ аз Тоҷикистон, Қирғизистон, Қазоқистон, Афғонистону Покистон таҳсил мекунанд.
Тибқи маълумоти Маркази миллии тестии назди Президенти Ҷумҳурии Тоҷикистон, ба ҷуз Донишгоҳи Осиёи Марказӣ дар шаҳри Хоруғ имсол ба имтиҳоноти марказонидашудаи дохилшавӣ аз тариқи Маркази миллии тестӣ боз 15 муассисаи таҳсилоти миёнаи касбӣ илова гардиданд.
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
