Футбол: байни дастаҳои Лигаи олӣ қуръакашии мавсими нави Чемпионати Тоҷикистон баргузор гардид

Март 1, 2019 08:40

ДУШАНБЕ, 01.03.2019. /АМИТ «Ховар»/. Қуръакашии мавсими нави Чемпионати Тоҷикистон оид ба футбол байни дастаҳои Лигаи олӣ дирӯз дар меҳмонхонаи «Ҳаятт Риҷенс Душанбе» баргузор гардид. Бори аввал ширкати мобилии Tcell  ба ҳайси сарпарасти асосӣ мавсими нави Чемпионати Тоҷикистонро ҳамроҳӣ мекунад.

Дар мавсими 28-уми футболи Тоҷикистон байни дастаҳои Лигаи олӣ мисли соли гузашта 8 даста иштирок мекунад. Инҳо  «Истиқлол» (Душанбе), «Хуҷанд» (Хуҷанд), «Кӯктош» (Рӯдакӣи), «Регар-ТадАЗ» (Турсунзода), «Хатлон» (Бохтар), КМВА «Помир» (Душанбе), «Панҷшер» (Ҷалолиддин Балхӣ) ва «Истаравшан» (Истаравшан)-ғолиби соли гузаштаи Лигаи якум мебошанд. Имсол ҳам Чемпионат дар се марҳила гузаронида мешавад ва дастаҳо 21 вохӯрӣ анҷом медиҳанд.

Қуръакашӣ дар фазои идона бо ширкати меҳмонони зиёд сурат гирифт. Бори аввал бо даъвати Лигаи миллии футболи Тоҷикистон маросими қуръакаширо футболбозони намоён, собиқ бозингарони дастаи мунтахаби мамлакат-Сӯҳроб Ҳамидов, Тоҳирҷон Мӯминов, Шӯҳрат Ҷабборов ва Баҳодур Сӯфиев гузарониданд.

Сараввал ду марҳилаи аввал ва сипас марҳилаи сеюми мусобиқот қуръакашӣ шуд.

Ба ҳамин тартиб, дар даври аввали Чемпионати Тоҷикистон-2019  дастаҳои «Регар-ТадАЗ» бо «Истиқлол», «Кӯктош» бо КМВА «Помир», «Панҷшер» бо «Истаравшан» ва «Хуҷанд» бо «Хатлон» бо ҳам қувва месанҷанд.

Қуръакашӣ тибқи ҷадвали шоҳмотбоз ва назариётчии австриягӣ Иоҳан Бергер баргузор гардида, дар  бозиҳои аввали марҳилаи сеюм ин дастаҳо бо ҳам вомехӯранд:

«Истиқлол» – «Хатлон»

«Истаравшан» – КМВА «Помир»

«Кӯктош» – «Хуҷанд»

«Регар-ТадАЗ» – «Панҷшер»

Аз рӯи низомномаи Чемпионати мамлакат, дастаи зинаи охирро ишғолкарда Лигаи олиро тарк мекунад ва соҳиби ҷои ҳафтум дар анҷоми мавсим дар бозии гузариш бо дастаи зинаи дуввуми Лигаи якум барои дар Лигаи олӣ боқӣ мондан вохӯрӣ анҷом медиҳад.

Март 1, 2019 08:40

Хабарҳои дигари ин бахш

ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
ФУТБОЛ. Дастаи ҷавонони то 18-солаи Тоҷикистон дар Чемпионати CAFA-2025 иштирок менамояд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд
Дастаҳои мунтахаби наврасони Тоҷикистон ва Русия ду бозии дӯстона анҷом доданд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
Рақибони мунтахаби футзали Тоҷикистон дар марҳилаи интихобии Ҷоми Осиё-2026 рӯзи 26 июн маълум мешаванд
Рақибони дастаи мунтахаби олимпии Тоҷикистон (U-23) дар мусобиқоти интихобии Ҷоми Осиё-2026 муайян шуданд
Тоҷикистонро дар Чемпионати ҷаҳон оид ба гӯштини ҷудо 9 паҳлавон муаррифӣ мекунад