«ITB BERLIN-2019». Тоҷикистонро дар ин намоишгоҳи байналмилалӣ 21 ширкати сайёҳӣ муаррифӣ мекунанд
ДУШАНБЕ, 07.03.2019. /АМИТ «Ховар»/. Аз 6 то 10 марти соли 2019 дар шаҳри Берлини Ҷумҳурии Федералии Олмон Намоишгоҳи байналмилалии сайёҳӣ ITB Berlin-2019 баргузор мегардад, ки Ҷумҳурии Тоҷикистонро дар ин чорабинии сатҳи байналмилалӣ намояндагони Кумитаи рушди сайёҳӣ, 30 нафар намояндагон аз 21 ширкатҳои сайёҳии Тоҷикистон, 2 нафар аҳли фарҳанг ва намояндагони Сафорати Тоҷикистон дар Олмон ба муносибати Солҳои рушди деҳот, сайёҳӣ ва ҳунарҳои мардумӣ таҳти сарпарастии Президенти Федератсияи футболи Тоҷикистон Рустами Эмомалӣ муаррифӣ менамоянд.
Намоишгоҳи байналмилалии сайёҳӣ ITB Berlin-2019ро Дабири кулли Созмони умумиҷаҳонии сайёҳӣ Зураб Пололикашвили ифтитоҳ намуда, доир ба рушди глобалии сайёҳӣ изҳори назар кард.
Тавре ба АМИТ «Ховар» аз Кумитаи рушди сайёҳӣ хабар доданд, дар Намоишгоҳи имсола намояндагони қариб 200 давлати дунё ва зиёда аз 15 ҳазор ширкати сайёҳӣ, зиёда аз 800 нафар хабарнигорон иштирок менамоянд.
Дар ин ҳамоиши сатҳи ҷаҳонӣ гўшаи сайёҳии Тоҷикистон зери шиори «Тоҷикистон — кишвари сайёҳӣ» дар масоҳати 40 метри мураббаъ бо тарҳу усули миллӣ ва муосир ба маърази тамошои дўстдорони сайру саёҳат гузошта шудааст.
Намоишгоҳи байналмилалии сайёҳии ITB-Berlin ҳамасола таҳти ҳамоҳангии Созмони умумиҷаҳонии сайёҳӣ доир гашта, иштироки намояндагони Тоҷикистон дар ин чорабинии бонуфузи ҷаҳонӣ ҳамчун узви комилҳуқуқи ин Созмон барои таблиғи захираҳои сайёҳии кишвар хеле муфид аст.
Ҳамзамон, дар ҳошияи Намоишгоҳ ҷаласаи вазирони сайёҳии кишварҳои узви Барномаи «Шоҳроҳи абрешим»-и Созмони умумиҷаҳонии сайёҳӣ низ баргузор мегардад.
Маврид ба зикр аст, ки дар партави сиёсати созанда ва «дарҳои кушод»-и Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гӯшаи сайёҳии Тоҷикистонро намояндагони соҳаи сайёҳии мамлакат дар намоишгоҳҳои бузурги байналмилалии сайёҳӣ мунтазам муаррифӣ менамоянд.
Иштирок ва муаррифии захираҳои сайёҳии Тоҷикистон дар чунин ҳамоишҳои бузурги ҷаҳонӣ имконият медиҳад, ки байни ширкатҳои сайёҳии ватанию хориҷӣ қарордодҳои ҳамкорӣ ба имзо расонида шуда, ҷалби сайёҳони хориҷӣ вусъат дода шавад.
Дар Остона дуюмин вохӯрии роҳбарони Идораҳои патенти давлатҳои Осиёи Марказӣ ва Чин доир гардид
Таҳти раëсати муовини Сарвазир оид ба пешгирии талафоти неруи барқ ҷаласаи корӣ баргузор гардид
То нимаи аввали моҳи июн дар Тоҷикистон беш аз 40 ҳазор тонна ангур ҷамъоварӣ гардидааст
Гулҳои мавсимии парваришнамудаи корхонаи «Шаҳри зебои мо» кӯчаю хиёбонҳои Норакро ороиш медиҳанд
Намояндаи Тоҷикистон дар машварат вобаста ба рушди технологияҳои иттилоотию коммуникатсионии давлатҳои аъзои СҲШ иштирок намуд
Дар «Боғи Ирам» ҷашни Тиргон бо баргузории Иди зардолу ва намоиши «Хушкмеваҳои Тоҷикистон» таҷлил мегардад
Корхонаи тухмипарварии ноҳияи Файзобод ба кишоварзон 400 тонна тухмиҳои гуногуни картошка пешниҳод намуд
Дар шаҳри Душанбе намоишгоҳи ҷойҳои кории холӣ баргузор карда шуд
Дар ноҳияи Восеъ ҷамъоварии ҳосили гандум идома дорад
«САЁҲАТ БА ҚАЛБИ АВРУОСИЁ». 12 июл иштирокчиёни экспедитсияи байналмилалӣ ба Тоҷикистон мерасанд
«ХАТЛОН-ҚАЛБИ ГАРМИ САЙЁҲӢ». Дар Кӯлоб форум ва намоишгоҳи байналмилалии сайёҳӣ доир мешавад
Ифтитоҳи хатсайри Душанбе-Пекин қадами стратегӣ дар самти дастгирии ташаббуси «Як камарбанд – як роҳ» мебошад
