Пешгирии ҷинояткорӣ дар доираи ҳамкории байналмилалӣ

Март 27, 2019 08:22

ДУШАНБЕ, 27.03.2019. /АМИТ «Ховар»/. Дирӯз муовини Вазири корҳои дохилӣ Икром Умарзода, роҳбарияти раёсатҳои дастгоҳи марказии ВКД ва котиби дуюми шуъбаи таъминоти ҳуқуқии Вазорати корҳои хориҷӣ Муродбек Асламзода бо директори фарогирии глобалӣ ва дастгирии минтақавии Котиботи генералии Интерпол Рорейма Андриани ва ҳайати гурӯҳи кории он мулоқот намуданд.

Тавре аз Вазорати корҳои дохилӣ ба АМИТ «Ховар» хабар доданд, зимни вохӯрӣ Икром Умарзода меҳмононро ба сарзамини Тоҷикистон хайрамақдам гуфта, иброз намуд, ки бо дастгирии ҳамаҷонибаи Ҳукумати Ҷумҳурии Тоҷикистон ва саъю кӯшишҳои Вазири корҳои дохилӣ Рамазон Раҳимзода дар доираи созишномаву санадҳои меъёрии ҳуқуқие, ки ба имзо расидаанд, рӯз то рӯз ҳамкории судманди Бюрои марказии миллии Интерполи Вазорати корҳои дохилии Тоҷикистон бо Котиботи генералии Интерпол қавитар мегардад.

Зимни вохӯрӣ ҷонибҳо оид ба ҳамкории судманди дуҷониба, ошкору пешгирии ҷиноятҳо, дастгиру безараргардонии ташкилоту гурӯҳҳои дорои хусусияти террористиву эктремистӣ, мубодилаи иттилоот, боздошти ҷинояткорони дар ҷустуҷӯ қарордошта, инчунин ҷиҳозонидани сохторҳо бо техникаву таҷҳизоти муосири корбарӣ ибрози андеша намуданд.

Директори фарогирии глобалӣ ва дастгирии минтақавии Котиботи генералии Интерпол Рорейма Андриани зикр кард, ки баҳри пешбурди самти фаъолият ва ноил гардидан ба дастовардҳои нав ба нав роҳбарияти Котиботи генералии Интерпол омода аст тамоми дастгириву кумаки худро расонад ва дар безараргардонии ташкилоту гурӯҳҳои ҷиноятпеша ва пешгирии ҷинояткорӣ саҳмгузор бошад.

Дар фарҷом ҷонибҳо бо итминон иброз доштанд, ки ин вохӯрӣ дар қавитар гардидани ҳамкории минбаъда нақши муҳим хоҳад гузошт.

Март 27, 2019 08:22

Хабарҳои дигари ин бахш

Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
Намояндаи Тоҷикистон дар ҷаласаи Кумитаи амнияти САҲА дар Вена иштирок намуд
Дар шаҳри Турсунзода 70 кг маводи нашъаовар мусодира карда шуд
Дар вилояти Хатлон тақрибан 179 кг маводи нашъаовар мусодира ва гурӯҳи муташаккили фаромиллии қочоқбарон боздошт гардид
Дар Қазоқистон ҷаласаи роҳбарони воҳидҳои криминалии вазоратҳои корҳои дохилии ИДМ баргузор гардид