Беш аз 219 тонна гӯшти мурғи пастсифати воридотӣ аз қаламрави гумрукии Тоҷикистон хориҷ карда шуд
ДУШАНБЕ, 11.04.2019/АМИТ «Ховар»/. Беш аз 219 тонна гӯшти мурғи аз хориҷа ба қаламрави гумрукии Ҷумҳурии Тоҷикистон аз ҷониби соҳибкори ватанӣ воридшуда пастсифат арзёбӣ гардида, аз ҷониби Агентии «Тоҷикстандарт» дар доираи ҳамкорӣ бо Кумитаи давлатии амнияти миллӣ ва Хадамоти гумруки назди Ҳукумати Ҷумҳурии Тоҷикистон тибқи низоми «Реэкспорт» аз қаламрави ҷумҳурӣ хориҷ карда шуд.
Аз Агентии «Тоҷикстандарт» ба АМИТ «Ховар» иттилоъ доданд, ки мутахассисони Агентии «Тоҷикстандарт» зимни гузаронидани корҳои сертификаткунонӣ дар озмоишгоҳи Агентӣ намунаи гӯшти мурғи воридотиро ташхис намуданд. Дар натиҷа он пастсифат баромада, ба талаботи Регламенти техникии Ҷумҳурии Тоҷикистон «Тамғагузории маҳсулоти хӯрокворӣ» ҷавобгӯ набуд.
Дар ин росто, бо сабаби дар Ҷумҳурии Тоҷикистон таъйиноти мушаххаси истеъмолӣ надоштани маҳсулоти пешниҳодгашта ва ба талаботи Регламенти техникии Ҷумҳурии Тоҷикистон «Бехатарии маҳсулоти хӯрокворӣ» мутобиқ набудан ба мақсулоти мазкур сертификати мутобиқат дода нашуд ва аз қаламрави гумрукии мамлакат бароварда шуд.
Ҳамзамон тибқи иттилои манбаъ, воридоти маҳсулоти пастсифат ва ба саломатӣ хатарнок риояи талаботи ҳатмии ҳуҷҷатҳои меъёрии техникӣ – Регламентҳои техникии Ҷумҳурии Тоҷикистон зери назорати ҷиддӣ қарор дода шуда, дар ин самт мунтазам аз ҷониби мутахассисони Агентӣ бо воридкунандагон ва истеҳсолкунандагони маҳсулоти хӯрокворӣ корҳои фаҳмондадиҳӣ ба роҳ монда мешаванд. Соли равон дар Агентии «Тоҷикстандарт» ду маротиба мулоқоти масъулони Агентӣ бо соҳибкорон — воридкунандагони маҳсулоти гӯштӣ ва қаннодӣ баргузор гардид.
Бо вуҷуди ин ҳоло ҳам аз ҷониби соҳибкорон ҳолатҳои ворид намудани маҳсулоти пастсифати ғизоӣ ба қайд гирифта мешаванд. Воридоти беш аз 219 тонна гӯшти мурғи пастсифат аз хориҷи кишвар шаҳодати ин гуфтаҳост. Ҳол он ки таъмини амнияти озуқаворӣ дар мамлакат яке аз чор ҳадафи стратегии Ҳукумати Ҷумҳурии Тоҷикистон маҳсуб меёбад.








Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд






