Дар Чин Лагери омӯзишии ҷавонони аъзои Созмони Ҳамкории Шанхай баргузор гардид
ДУШАНБЕ, 30.04.2019 /АМИТ «Ховар»/. 28 апрели соли равон дар шаҳри Синдаои Ҷумҳурии мардумии Чин Лагери омӯзишии ҷавонони аъзои Созмони Ҳамкории Шанхай оғоз гардид. Дар он Ҷумҳурии Тоҷикистонро 10 нафар ҷавонони фаъоли вазорату идораҳои мамлакат намояндагӣ менамоянд.
Дар ин бора аз Кумитаи кор бо ҷавонон ва варзиши ҷумҳурӣ ба АМИТ «Ховар» хабар доданд. Ба иттилои манбаъ, нахуст ҳайати иштирокчиёни лагер дар Форуми соҳибкорони ҷавони СҲШ иштирок намуданд. Роҳбари Клуби соҳибкорони ҷавони назди Кумитаи кор бо ҷавонон ва варзиш Сулаймон Қурбонов дар он вобаста ба имкониятҳои тиҷоративу иқтисодӣ ва дастгирии соҳибкорони ҷавон дар Тоҷикистон маърӯза намуд.
Дар ҷараёни омӯзиш иштирокчиёни лагер аз корхонаҳои саноатӣ ва иқтисодии шаҳри Синдао ва Маркази Созмони Ҳамкории Шанхай дидан намуда, бо роҳбарони он суҳбати озод намуданд.
Ҳамчунин иштирокчиён тибқи барнома расму оин, хӯрокҳои мардумӣ, либоси миллӣ ва дастовардҳои соҳаи сайёҳии давлати худро ба намоиш гузошта, ба ин восита давлату миллати худро муаррифӣ намуданд.
Ёдовар мешавем, ки Лагери омӯзишии ҷавонони аъзои Созмони Ҳамкории Шанхай аз 28 апрел то 2 майи соли равон идома меёбад.
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
