Дар Душанбе ҷанбаҳои стратегии рушди иқтисодию иҷтимоии минтақаҳои Тоҷикистонро баррасӣ карданд
ДУШАНБЕ, 30.04.2019/АМИТ «Ховар»/. «Ҷанбаҳои стратегии рушди иҷтимоӣ-иқтисодии минтақаҳои Тоҷикистон» дар ҷараёни ҳамоише, ки имрӯз дар Душанбе бо ибтикори Маркази тадқиқоти стратегии назди Президенти Ҷумҳурии Тоҷикистон бо иштироки намояндагони вазорату идораҳои марбутаи мамлакат, мақомоти иҷроияи ҳокимияти давлатии шаҳру ноҳияҳои ҷумҳурӣ ва коршиносон доир гардид, баррасӣ шуд.
Ҳабарнигори АМИТ «Ховар» иттилоъ медиҳад, ки иштирокдорони ҳамоиш паҳлуҳои асосии рушди иқтисодию иҷтимоии минтақаҳои мамлакатро муҳокима намуда, зикр карданд, ки рушди устувори минтақаҳои Тоҷикистон дар маркази таваҷҷуҳи роҳбарият ва Ҳукумати Ҷумҳурии Тоҷикистон қарор дорад.
Ин аст, ки бо мақсади рушди соҳаҳои иқтисодию иҷтимоии минтақаҳо барномаҳои гуногуни давлатӣ таҳия ва қабул гардидаанд, ки татбиқи онҳо ба баланд бардоштани сатҳу сифати зиндагӣ дар минтақаҳои кишвар мусоидат менамояд. Эълон гардидани солҳои 2019-2021 Солҳои рушди деҳот, сайёҳӣ ва ҳунарҳои мардумӣ дар Ҷумҳурии Тоҷикистон, ки яке аз иқдомҳои наҷибонаи Пешвои миллат арзёбӣ мегардад, ба рушди минтақаҳои мамлакат нигаронида шудааст. Инчунин дар Стратегияи миллии рушди Ҷумҳурии Тоҷикистон то соли 2030 ба рушди иқтисодию иҷтимоиии минтақаҳои кишвар афзалият дода шудааст.
Иштирокдорони ҳамоиш зимни маърӯзаҳои пурмӯҳтаво паҳлуҳои асосии рушди минтақаҳои мамлакат, назири дастгирӣ ва рушди соҳибкорӣ дар маҳалҳо, таъсиси ҷойҳои нави корӣ, истифодаи самараноки захираю имкониятҳои сайёҳӣ, зеҳнӣ, меҳнатӣ, баланд бардоштани сатҳу сифати хизматрасонии тиббӣ, маориф ва дигар бахшҳои иҷтимоиро матраҳ намуда, пешниҳодҳои судманд баён карданд.
Мусаллам аст, ки бо амалӣ гардонидани яке аз ҳадафҳои стратегии Ҳукумати Ҷумҳурии Тоҷикистон — саноатикунонии мамлакат Тоҷикистон аз давлати аграрӣ ба кишвари индустриалӣ-саноатӣ табдил дода мешавад. Инчунин дар иртибот ба Солҳои рушди деҳот, сайёҳӣ ва ҳунарҳои мардумӣ сатҳу сифати зиндагӣ дар деҳот баланд бардошта шуда, ба сатҳи шаҳр бароварда мешавад. Бунёд ва ба истифода додани инфрасохтори гуногуни бахши иқтисодию иҷтимоӣ ва хизматрасонӣ дар минтақаҳои гуногуни кишвар, ки имрӯзҳо ба ҷабҳаи бузурги созандагӣ табдил гардидааст, шаҳодати ин гуфтаҳост.








Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд






