Дар Душанбе ҳаштумин намоишгоҳ – ярмаркаи «Таҳсилот дар Россия: Душанбе — 2019» оғоз гардид
ДУШАНБЕ, 11.04.2019. /АМИТ «Ховар»/. Имрӯз дар шаҳри Душанбе ҳаштумин намоишгоҳ – ярмаркаи «Таҳсилот дар Россия: Душанбе — 2019» оғоз гардид.
Тавре аз Вазорати маориф ва илми Ҷумҳурии Тоҷикистон ба АМИТ «Ховар» хабар доданд, намоишгоҳ аз ҷониби намояндагии Маркази илмию фарҳангии Россия, мавсум ба «Россотрудничество» дар Тоҷикистон дар ҳамкорӣ бо Вазорати маориф ва илми Ҷумҳурии Тоҷикистон, дастгирии Сафорати Федератсияи Россия дар Ҷумҳурии Тоҷикистон ва Вазорати илм ва таҳсилоти олии Федератсияи Россия гузаронида мешавад.
Зимни ифтитоҳи намоишгоҳ муовини аввали Вазири маориф ва илми Ҷумҳурии Тоҷикистон Раҳматулло Мирбобоев, Сафири Федератсияи Россия дар Ҷумҳурии Тоҷикистон Игор Лякин- Фролов, роҳбарияти «Россотрудничество» ва ректорони муассисаҳои таҳсилоти олӣ ширкат варзиданд.
Ба иттилои манбаъ, дар намоишгоҳ намояндагони 53 муассисаи таҳсилоти олии Федератсияи Россия иштирок доранд.
Зимни намоишгоҳ роҳбарон ва намояндагони ин муассисаҳои таълимӣ ба хатмкунандагони муассисаҳои таҳсилоти миёнаи умумии кишварамон, ки хоҳиши таҳсил дар мактабҳои олии Россияро доранд, дар бораи таълимгоҳҳои мазкур маълумот дода, онҳоро бо касбу ихтисос ва шароити таҳсил шинос менамоянд.
Мавриди зикр аст, ки намоишгоҳ давоми се рӯз, яъне то 12 апрел ҷараён гирифта, зимни он гузарондани чорабиниҳои гуногун, аз ҷумла, вохӯрӣ, гуфтушунидҳо, имзои шартномаю тавофуқномаҳо байни донишгоҳҳои Федератсияи Россия ва Ҷумҳурии Тоҷикистон дар бобати ҳамкорӣ ва таҳсили донишҷӯён дар муассисаҳои ҳамдигар пешбинӣ шудааст.
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
