Дар Душанбе самаранокии татбиқи сиёсати асъорӣ дар низоми бонкӣ баррасӣ гардид
ДУШАНБЕ, 29.04.2019/АМИТ «Ховар»/. Самаранокии татбиқи сиёсати асъорӣ дар низоми бонкӣ дар ҷаласае, ки бо иштироки роҳбарияти Бонки миллии Тоҷикистон ва хазинадорони ташкилотҳои қарзии кишвар дар Душанбе доир гардид, баррасӣ шуд.
Аз Бонки миллии Тоҷикистон ба АМИТ «Ховар» иттилоъ доданд, ки дар ҷаласа пешгирӣ ва таҳлили таъсири хавфҳои эҳтимолӣ вобаста ба вазъи мураккаби геосиёсии ҷаҳон ба низоми бонкии ҷумҳурӣ, вазъи қурби пули миллӣ ва асъори хориҷӣ, роҳҳои нигоҳ доштани муътадилии он соли равон мавриди таҳлил қарор дода шуданд.
Раиси Бонки миллии Тоҷикистон Ҷамшед Нурмаҳмадзода нишондиҳандаҳои асосии низоми бонкиро дар соли 2018 таҳлил карда, аз беҳтар шудани сифати сандуқи қарзӣ ва коҳиш ёфтани ҳиссаи қарзҳои ғайрифаъол дар он, зиёд шудани амонатҳо ва ҳамзамон беҳтар гардидани вазъи низом дар се моҳи аввали соли 2019 сухан гуфт. Зикр шуд, ки рушди маҷмӯи маҳсулоти дохилӣ дар се моҳи соли равон нисбат ба се моҳи соли 2018 беҳтар гардида, таваррум дар доираи нишондиҳандаи пешбинигардида таъмин карда шуд.
Инчунин муовини аввали раиси Бонки миллии Тоҷикистон Ҷамолиддин Нуралиев доир ба сиёсати қурбӣ дар кишвар, татбиқи дуруст ва самараноки сиёсати асъорӣ дар низоми бонкии ҷумҳурӣ сухан карда, дар ин самт риояи талаботи муқарраргардидаро муҳим арзёбӣ намуд. Зикр гардид, ки пешгирии хавфҳои эҳтимолӣ бо риояи талаботи муайяншуда, беҳтар кардани сатҳ ва сифати хизматрасонӣ, роҳ надодан ба омилҳои коррупсионӣ ва рафъи монеаҳои сунъӣ дар низом, татбиқи самараноки сиёсати монетарӣ ва асъорӣ бо имконоти истифодаи фишангҳои муосири бонкӣ ва ба ин васила, таъмини хизматрасониҳои иҷтимоӣ ба манфиати аҳолӣ муҳим мебошад.
Ҳамзамон дар ҷаласа доир ба самаранокии татбиқи сиёсати асъорӣ дар низоми бонкӣ аз ҷониби масъулини Департаменти идораи захираҳои байналмилалӣ ва сиёсати қурби асъори БМТ маълумот дар шакли рӯнамоӣ пешниҳод гардид, ки дар он нишондиҳандаҳои асосии макроиқтисодӣ дар соли 2018, тамоюли тағйирёбии воҳидҳои сохтории ташкилотҳои қарзӣ, тағйирёбии қурби пули миллӣ нисбат ба асъори хориҷӣ дар давлатҳои шарикони асосии савдо ва вазъи бозори хизматрасониҳои интиқолӣ таҳлил ва баррасӣ шудааст.
Дар ҷаласа аз ҷониби роҳбарияти БМТ ба роҳбарони аввал ва хазинадорони ташкилотҳои қарзӣ дар самти устувории пули миллӣ, пешгирии хавфҳои эҳтимолии асъорӣ бо назардошти таъсири омилҳои беруна, фароҳам овардани шароити мусоид ба аҳолӣ дар самти хизматрасониҳои низоми бонкӣ, баланд бардоштани эътимоди мардум ба низоми бонкӣ, васеъ намудани шабакаи филиалҳо ва марказҳои хизматрасонии бонкӣ дар минтақаҳо ва риояи муқаррароти ҷорӣ дастур дода шуд.








Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд






